Maun (mugažo tsvanan i anglijan kelil) om lidn Botsvanan pohjoižes. Se om valdkundan videnz' eländpunkt eläjiden lugun mödhe, Lodehližen ümbrikon administrativine keskuz.
| Valdkund | Botsvan |
| Eläjiden lugu (2011) | 55,784 ristitud |
 | |
| Telefonkod | +267- |
| Aigvö | UTC+2 |
Istorii
Eländpunktan aluz om pandud batavana-rahvahal vl 1915 penen külän sijas kuti heimon keskuz.
Maun šingotase londuseližel turizmal, intensivižešti 1990-nziš vozišpäi, koume adivpertid oma avaitud. Lidn om geotedištelendan keskuseks Botsvanan pohjoižpäivnouzmaižen regionan täht. Živatvodind tegese lidnan ümbrištos (oslad, kozad).
Geografijan andmused
Lidn sijadase ümbrikon suvipäivnouzmas, Okavango-jogen del'tan randal, 927 m ü.m.t. keskmäižel korktusel. Matkad Gaborone-pälidnhasai om 575 km suvipäivnouzmha orhal vai 850 km avtoteidme.
Klimat om räk pol'kuiv. Voden keskmäine lämuz om +22,4 C°, sügüz'kun-sulakun +23..+27 C°, kezakun-heinkun +15..+16 C°. Absolütine minimum om −6,4 C°, maksimum +44 C° (kaikiš korktemb lämuz valdkundas). Paneb sadegid 452 mm vodes, enamba tal'vkus-keväz'kus (81..104 mm kus), kuiv sezon oleskeleb semendkus-sügüz'kus (seičeme millimetrad pordos).
Eläjad
Vn 2011 Botsvanan rahvahanlugemižen mödhe eläjiden lugu oli 55 784 ristitud.
Transport
Oiged avtote ühtenzoitab lidnad Fransistaunanke 490 kilometras päivnouzmha (445 km orhal).
Rahvahidenkeskeine civiline Maun-lendimport (MUB / FBMN, 201 tuh. passažiroid vl 2008) om saudud vides kilometras päivnouzmha lidnan keskusespäi, se radab penen aviacijan täht tobjimalaz. Tehtas reisid Suviafrikan Tazovaldkundha (Keiptaun, Johannesburg) i Viktoria Folls-lidnha (Zimbabve, vezilanktendanno), mugažo Botsvanadme (Gaborone).
Homaičendad
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
