From Wikipedia, the free encyclopedia
Keblavik (isl.: Keflavík [ˈcʰɛplaˌviːk] «hagoiden (kokoroiden) merikar») om lidn Islandijan suvipäivlaskmas. Se om Südürnes-agjan administrativine keskuz.
Valdkund | Islandii |
Eläjiden lugu (2018) | 15,930 ristitud |
Telefonkod | +354−20 |
Aigvö | UTC+0 |
Eländpunkt mainitaškanzihe 16. voz'sadaspäi. Vs 1994 kezakun 11. päiväspäi mülüb Reikjanesbair-kundha.
Valdkundan kaikiš suremb rahvahidenkeskeine Keblavik-lendimport[1] (KEF / BIKF, 8,7 mln passažiroid vl 2017) om saudud koumes kilometras päivlaskmha lidnaspäi. Vll 1942−2006 AÜV:oiden armijan il'mbaz radoi täs, nügüd' Islandijan randkaičendvägiden sijaduz, üks'-se PAKO:n baz.
Lidn sijadase Reikjanes-pol'saren lodehes, 5 m ü.m.t. keskmäižel korktusel. Merikar om lidnan randanno. Bazal'tpöudod harvoidenke änikkazmusidenke i samloidenke oma ümbrištos. Matkad Reikjavik-pälidnhasai om 30 km päivnouzmha-pohjoižpäivnouzmha orhal vai 50 km avtotedme. Lähembaine lidn om Gardür 10 km pohjoižhe.
Klimat om subarktine neps valdmeren. Voden keskmäine lämuz om +4,4 C°, heinkun-elokun +10..+11 C°, tal'vkun-keväz'kun 0..+1 C°. Ekstremumad oma −20 C° i +24 C°. Paneb sadegid 1310 mm vodes, kuidme läz tazomäras, enamba tal'vkus (130 mm), vähemba kezakus (64 mm).
Vl 2015 lidnan da lähižen Njardvik-lidnan eläjiden lugu oli 14 821 ristitud. Kaikiš suremb ristitišt om nügüd'.
Kundan ristitišt om 18 920 eläjad 145 km² pindal (2019).
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.