From Wikipedia, the free encyclopedia
Kaolak (franc.: Kaolack, arab.: كاولاك Kaolak, volof.: Kawlax) om lidn Senegalan päivlaskmas. Se om valdkundan videnz' lidn eläjiden lugun mödhe, Kaolakan agjan administrativine keskuz. Islaman znamasine openduzkeskuz.
Valdkund | Senegal |
Eläjiden lugu (2007) | 185,976 ristitud |
Pämez' | Serin' Mbup (mandat 2022−2027, Serigne Mboup) |
Telefonkod | +221- |
Aigvö | UTC+0 |
Kagone-eländpunkt oli tetab 16. voz'sadaspäi, se oli Salum-kunigahusen (1494–1969) pälidn da torguindkeskuz. Vspäi 1911 raudtejono ühtenzoiti Dakarad Francine Sudan-kolonijan (nüg. Mali) Kajes-lidnanke, sid' sen kolonijan Bamako-pälidnanke Niger-jogen randal, i Kaolakan ristitišt ližadui lujas. Kagone om Kaolakan päivnouzmaižeks palaks nügüd'.
Kaolak šingotase 19. voz'sadaspäi sijaližen arahisan ümbriradmižel i voin samižel sišpäi, järedal torgusel znamasižiden avtoteiden ristikoičendanno. Keitandsolan samine tegese pidust' joged lidnanno.
Lidn sijadase agjan pohjoižpalas, Salum-jogen (franc.: Saloum, lankteb valdmerhe) oiktal pohjoižel randal, 22 m ü.m.t. keskmäižel korktusel. Jogi kändase laivjogeks lidnas, torguindjogiport radab.
Kaks'kümnekilometrine raudtesarak ühtenzoitab lidnad «Dakar — Bamako»-raudtenke. Matkad Dakar-pälidnhasai om 150 km lodeheze mantedme.
Klimat om tropine räk kaks'sezonine. Voden keskmäine lämuz om +28,6 C°, kuidme +26..+31 C°. Paneb sadegid 611 mm vodes, läz kaikid niid paneb heinkus-sügüz'kus (135..220 mm kus), kuivan sezonan hätkeližuz om seičeme kud (kül'mku-semendku, 9 mm pordos).
Vn 1988 Senegalan rahvahanlugemižen mödhe lidnan eläjiden lugu oli 150 961 ristitud. Vl 2002 lidnan ristitišt oli 172 305 ristitud, agjan nelländez.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.