From Wikipedia, the free encyclopedia
Bregenc (saks.: Bregenz [ˈbʁeːɡɛnts], forarl'bergan pagin: Breagaz [ˈb̥rea̯ɡ̊ats], latin.: Brigantium) om lidn Avstrijan päivlaskmaižes čogas. Se om Forarl'berg-federacijanman administrativine keskuz i koumanz' lidn eläjiden lugun mödhe.
Lidnanznam | Flag |
Valdkund | Avstrii |
Eläjiden lugu (2021) | 29,534 ristitud |
Pind | 29,5 km² |
Pämez' | Mihael' Rič (sügüz'ku 2020—, Michael Ritsch) |
Telefonkod | +43−5574 |
Aigvö | tal'vel UTC+1, kezal UTC+2 |
Eländpunktan aluz om pandud istorijanedeližiš aigoiš. Kel'talaižed eliba siš videndes voz'sadaspäi EME, nimi oli Brigantion. Rimalaižed anastiba sidä vl 15 EME i kändiba varmitadud Brigantium-lagerikš lähtendan Al'pišpäi kontrolin täht. Vspäi 917 Bregenc oli Forarl'bergan Udal'rihinger-dinastijan rezidencijaks. Sai lidnan oiktusid vl 1200. Toižen mail'man sodan aigan erased lidnan sauvused oliba muretud, sen jäl'ghe mülüi Francijan okkupacižhe zonha.
Bregenc šingotase penen biznesan edheotandoil, metallurgijal, tekstil'tegimištol, stökoltegimištol, turizmal. Lidnan territorii om rahvahidenkeskeižeks transporttesol'meks.
Lidn sijadase federacijanman lodehes, Reinan üläjoksmusen alangištos, Bodenjärven (saks.: Bodensee) päivnouzmaižel randal, 427 m ü.m.t. keskmäižel korktusel. Matkad Ven-pälidnhasai om 670 km päivnouzmha. Saksanman röun sijadase vides kilometras, Šveicarijan — kümnes kilometras. Bregencan lendimport sijadase Šveicarijan territorijal.
Vl 2011 lidnan eläjiden lugu oli 27 831 ristitud, vl 2021 — 29 534 ristitud, federacijanman läz 7,5 %. Kaikiš suremb ristitišt om nügüd'.
Edeline lidnan pämez'-burgomistr om Markus Linhart (1998−2020).
Bregenc Vikiaitas |
Avstrijan federacijanmad da niiden administrativižed keskused | ||
Alaavstrii (Sankt Pöl'ten) | Burgenland (Aizenštadt) | Forarl'berg (Bregenc) | Karintii (Klagenfurt-am-Vörterze) | Štirii (Grac) | Zal'cburg (Zal'cburg) | Tirol' (Insbruk) | Ven | Üläavstrii (Linc) | ||
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.