Biratnagar
From Wikipedia, the free encyclopedia
Remove ads
Biratnagar (nepali: विराटनगर «sur'kulu lidn») om lidn Nepalan suvipäivnouzmas. Se om valdkundan kudenz' lidn eläjiden lugun mödhe, Koši Pradeš-agjan (edel vn 2023 keväz'kud Agj nomer 1) administrativine keskuz.
Istorii
Eländpunkt mainitase 7. voz'sadaspäi, edeline nimituz oli Gograha Bazaar. Nügüd'aigaine nimituz om anttud vl 1919 endevanhan pert'kulun suriden ruinoiden olendan tagut.
Biratnagar om valdkundan kahtenz' tegimištoline keskuz. Džutan fabrikad, biznesinkubatoran kompanii. Jüguiden järed logistine keskuz (üks' mugoižes kahtespäi Nepalas) radab lidnas Indijan raudtesarakon Džogbani-lopstancijanno valdkundröunal.
Remove ads
Geografijan andmused
Lidn sijadase 80 m ü.m.t. keskmäižel korktusel. Matkad Indijan röunhasai om kuz' kilometrad suvhe, Katmandu-pälidnhasai om 400 km päivlaskmha orhal vai 544 km avtotedme.
Klimat om tropine räk kaks'sezonine. Voden keskmäine lämuz om +24,6 C°, sulakus-sügüz'kus +27..+29 C°, tal'vkun-uhokun +16..+19 C°. Ekstremumad oma −1 C° i +43 C°. Paneb sadegid 1891 mm vodes, enamba kezakus-sügüz'kus (299..530 mm kus), kuiv sezon oleskeleb kül'mkus-keväz'kus (6..13 mm kus).
Remove ads
Eläjad
Vn 2011 Nepalan rahvahanlugemižen mödhe eläjiden lugu oli 242 548 ristitud, agjan läz vit procentad. Kaikiš enamba levitadud keled (ezmäine kel', 2011) oma nepali (39 %) i maithili (38 %).
Religijan mödhe (2011): induizman polenpidajad — 89 %, islamanuskojad — 8 %, toižed uskojad — 3 %.
Irdkosketused
 |
Biratnagar Vikiaitas |
Wikiwand - on
Seamless Wikipedia browsing. On steroids.
Remove ads