Alauz'lidn

Alauz'lidn
Нижний Новгород
Lidnanznam;	Flag;
Valdkund	Venäma
Eläjiden lugu (2023)	1,213,477 ristitud
Pind	410,68 km²
Pämez'	Jurii Šalabajev; (semendku 2020—)
Telefonkod	+7−831-xxx-xx-xx
Avtokod	52, 152
Aigvö	UTC+3 (MSK+0)

Alauz'lidn (ven.: Ни́жний Но́вгород, paginas muite Нижний paksus, vozil 1932−1990 — Gor'kii, ven. Горький) om millionerlidn Venäman päivlaskmas. Se om Alalidnan agjan administrativine keskuz, kaikiš suremb lidn da lidnümbrik, mugažo Volgaveren federaližen ümbrikon pälidn. Lidn om Alalidnan aglomeracijan keskuz (2,1 mln rist.).

Quick Facts

Close

Eländpunktan aluz om pandud vl 1221 kuti Alaman Uz'lidn (ven.: Новгород Низовской земли). Vozil 1350−1392 se oli Alalidnan da Suzdalin ruhtinazkundan pälidnaks. 16. voz'sadaspäi Alalidnan kreml' om olmas kaks'kilometriženke seinänke da 13 čuhundusenke.

Lidn sijadase Volgan da Okanjogen ühthejoksmusen sijas, Volgan oiktal randal. Lidnan keskuzpala seižub 200 m ü.m.t. keskmäižel korktusel. Reljef om tazo. Lähembaižed ezilidnad oma Bor pohjoižpäivnouzmas Volgan vastrandal, Kstovo suvipäivnouzmas i Dzeržinsk päivlaskmas.

Klimat om ven kontinentaline. Voden keskmäine lämuz om +4,8 C°, kezakun-elokun +17..+19 C°, tal'vkun-uhokun −7..−9 C°. Ekstremumad oma −41 C° i +38 C°. Paneb sadegid 648 mm vodes, enamba kezakus-elokus (68..78 mm kus), vähemba uhokus-sulakus (35..36 mm kus).

Alauz'lidn jagase kahesaks administrativižeks rajonaks.

Kaik kahesa küläd, nell' žilod, Vihand Lidn-kurortžilo (ven.: Зелёный Город, 2409 rist. vl 2017) i Podnovje-slabad (1208 rist. vl 2010) mülüdas lidnümbrikho Alauz'lidnan ližaks. Lidnümbrikon pind om 514,56 km².

Edeline lidnan pämez' (mer) om Vladimir Panov (viluku 2018 — semendku 2020).

Vl 1913 lidnan ristitišt oli 111 400 ristitud. Vn 2010 kaiken Venäman rahvahanlugemižen mödhe lidnan eläjiden lugu oli 1 250 619 ristitud, lidnümbrikon — 1 259 738 ristitud. Vl 2017 kaik 1 264 075 ristitud elihe lidnas i 1 270 241 ristitud kaikes lidnümbrikos. Kaikiš suremb lidnan ristitišt oli 1 445 000 eläjad vl 1991. Ristitišton migracii tegese Moskvan regionha pälidnan lähembusen taguiči.

Rahvahad (2010): venälaižed — 94,3 %, totarlaižed — 1,0 %, toižed rahvahad — 4,7 %.

Avtobusad, trolleibusad, tramvaid da maršruttaksid oma kundaližeks transportaks lidnas. Vspäi 1985 metro radab lidnas (vl 2019 om kaks' jonod, 15 stancijad, 21,6 km raudted), vspäi 2013 — lidnelektrojonused (vl 2019 om kaks' jonod, 18 stancijad, 65,9 km raudted).

Rahvahidenkeskeine sodavägiden da civiline Čkalov-lendimport^[1] (edel 2021. vot Strigino, ven.: Стри́гино, GOJ / UWGG / НЖС, 1,2 mln passažiroid vl 2022) sijadase 18 kilometras suvipäivlaskmha lidnan keskusespäi. Sišpäi tehtas reisid Evropan i Keskuzazijan maihe, Venämadme tobjimalaz, mugažo lebutahoiže.

Vl 1862 raudte tuli lidnha. Nügüd' Alauz'lidn om järedaks raudtesol'meks. Vspäi 2010 Sapsan-jonused ühtenzoittas lidnad Piterinke Moskvan kal't.

Lidnan Duman i Administracijan sauvuz Alauz'lidnan Kremliš (2018)
Alauz'lidnan Kreml' (2008)
Ph. Aleksandr Nevalaižen kafedraline päjumalanpert', vn 2021 nägu
Voznesenjan Pečerskii mez'jumalankodi, vn 2016 nägu
GAZ:an päine administrativine sauvuz vl 2011
«Sormovo»-kompanijan pertišt vl 2015 (laivansauvomine)
Alauz'lidnan jarmankan päsauvuz vl 2022
«Ganza»-moll (2018)
Alauz'lidn-Moskovskii-päraudtestancijan sauvuz vl 2019

Saksanma Essen, Pohjoine Rein da Vestfalii, Saksanma (vspäi 1991)
AÜV Filadel'fii, Pensil'vanii, Amerikan Ühtenzoittud Valdkundad (1994)
Ukrain Har'kov, Ukrain (2001)
Suomenma Tampereh, Suomenma (1995)

[1]
Strigino-lendimportan sait (goj.aero). (ven.) (angl.)

Lidnan Duman oficialine sait (gordumannov.ru). (ven.)
Lidnan ohjastusen oficialine portal (admgor.nnov.ru, нижнийновгород.рф). (ven.) (angl.) (isp.) (saks.) (fr.)

Alauz'lidn Vikiaitas

	Alalidnan agjan lidnad
	Alauz'lidn \| Arzamas \| Balahn \| Bogorodsk \| Bor \| Čkalovsk \| Dzeržinsk \| Gorbatov \| Gorodec \| Knäginino \| Kstovo \| Kulebaki \| Liskovo \| Lukojanov \| Navašino \| Pavlovo \| Perevoz \| Pervomaisk \| Sarov \| Semönov \| Sergač \| Šahunj \| Zavolžje \| Uren' \| Vetlug \| Viks \| Volodarsk \| Vorsm

	Venälaižen Federacijan subjektoiden pälidnad
	Abakan \| Alauz'lidn \| Anadir' \| Arhangel'sk \| Astrahan' \| Barnaul \| Belgorod \| Birobidžan \| Blagoveščensk \| Bränsk \| Čeboksarad \| Čeläbinsk \| Čerkessk \| Čit \| Elist \| Gatčin \| Gorno-Altaisk \| Groznii \| Habarovsk \| Hanti-Mansiisk \| Irkutsk \| Iževsk \| Ivanovo \| Jakutsk \| Jaroslavl' \| Jekaterinburg \| Joškar-Ol \| Kaliningrad \| Kalug \| Kazan' \| Kemerovo \| Kirov \| Kizil \| Kostrom \| Krasnodar \| Krasnogorsk \| Krasnojarsk \| Kurgan \| Kursk \| Lipeck \| Magadan \| Magas \| Mahačkal \| Maikop \| Moskv \| Murmansk \| Nal'čik \| Nar'jan Mar \| Novosibirsk \| Omsk \| Orel \| Orenburg \| Penz \| Perm' \| Petropavlovsk Kamčatkal \| Petroskoi \| Piter \| Pskov \| Rostov Donal \| Räzan' \| Salehard \| Samar \| Saransk \| Saratov \| Siktivkar \| Simferopol' (de fakto) \| Sevastopol' (de fakto) \| Smolensk \| Stavropol' \| Sur' Uz'lidn \| Suvisahalinsk \| Tambov \| Tomsk \| Tul \| Tver' \| Tümen' \| Uf \| Ulan Ude \| Ul'janovsk \| Vladikavkaz \| Vladimir \| Vladivostok \| Volgograd \| Vologd \| Voronež

[1] [1]
Strigino-lendimportan sait (goj.aero). (ven.) (angl.)

[1]

Wikiwand in your browser!

Alauz'lidn

Wikiwand in your browser!

Istorii

Geografijan andmused

Administrativine jagand

Eläjad

Transport

Galerei

Sebruzlidnad

Homaičendad

Irdkosketused

Lidnanznam	Flag
Valdkund	Venäma
Eläjiden lugu (2023)	1,213,477 ristitud
Pind	410,68 km²

Pämez'	Jurii Šalabajev (semendku 2020—)
Telefonkod	+7−831-xxx-xx-xx
Avtokod	52, 152
Aigvö	UTC+3 (MSK+0)