From Wikipedia, the free encyclopedia
Vil'häl, vai Vil'hal, Vilhal (venän kelel: Яросла́вичи, vepsän kirjamil: Jaroslaviči) om vepsän külä Leningradan agjan Kos'kenaluižen rajonan suvipäivlaskmas.
Eländpunkt mainitase Uz'lidnan aigkirjas vspäi 1496. Edel 1960-nzid vozid viž küläd ezmäiženke ven.: Берег-nimenke oli, sid' ühtenzoittihe niid oficialižikš nügüdläiženke venän nimenke (om vahvištadud vl 1970), miččel nimitihe kaikid niid külid ühtes ende-ki.
Edel 2006. vot Vil'häl oli ičeze küläkundan administracijan keskuseks.
Külän sijaduz om Vinglan küläkundas, Ojat'jogen oiktal randal. Matkad küläkundan Vingl-keskushesai om 25 km pohjoižpäivnouzmha.
Vn 2010 kaiken Venäman rahvahanlugemižen mödhe külän eläjiden lugu oli 180 ristitud, vl 2002 — 216 ristitud. Kaikiš suremb ristitišt oli 287 eläjad vl 1997.
Rahvahad (2002): venälaižed — 61 %, vepsläižed — 34 %, toižed rahvahad — 5 %.
Vil'hälas om socialižen holitusen aluzkundoid: küläkirjišt, fel'dšeriž-akušerine punkt, kul'turkodi. Vodhesai 2009 keskškol radoi, nügüd'aigan lähembaine škol sijadase Vinglas.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.