From Wikipedia, the free encyclopedia
Sent Džons (angl.: St. John's) om Antiguan da Barbudan pälidn i kaikiš suremb lidn. Se om Sent Džon-tulendan administrativine keskuz mugažo.
Valdkund | Antigua da Barbud |
Eläjiden lugu (2013) | 21,926 ristitud |
Pind | 10 km² |
![]() | |
Telefonkod | +1−268 |
Aigvö | UTC−4 |
Eländpunktan aluz om pandud anglijalaižil vl 1632. Šingotihe saharrogon ümbriradmižel 18. voz'sadan keskespäi. Lidn oli alištunu manrehkaidusile vll 1690 i 1843, eli läbi vn 1769 lämoipalos, vn 1847 torok mureni lidnad.
Sent Džons om ripmatoman valdkundan pälidnaks vn 1981 kül'mkuspäi. Vn 1995 Luis-torok mureni lidnan turistišt infrastrukturad. Lidn šingotase turizmal i torguindal, investicijoiden bankingal, roman edheotandal.
Lidn sijadase valdkundan suvižen Antigua-saren pohjoižes-lodehes. Meriport i letkesižed kül'bendrandad oma Sent Džonsas.
Klimat om tropižen savannan. Kun keskmäine lämuz om +25..+28 C° vodes läbi. Ekstremumad oma +15 C° i +34 C°. Paneb sadegid 1049 mm vodes, enamba sügüz'kus-kül'mkus (131..142 mm kus), vähemba uhokus-keväz'kus (45..46 mm kus).
Vn 2011 rahvahanlugemižen mödhe lidnan eläjiden lugu oli 22 219 ristitud, valdkundan nelländez.
Rahvahidenkeskeine civiline lendimport V.K. Bördan nimed (ANU / TAPA, läz 1 mln passažiroid vl 2018) om kahesas kilometras pohjoižpäivnouzmha lidnaspäi. Tehtas reisid AÜV:oiden i Kanadan järedoihe lidnoihe, Londonha, Kariban regionan saridme. Punolendimport radab lidnas.
Vest-Indijan universitetan fakul'tetad anttas üläopendust. Sent-Džonsan valdkundaline kolledž pästab tedajid menedžmentan sferas, tropižes maižanduses, vilugoitimiden i elektromašiništon ladijoid. Kaks' mediciništ školad ratas lidnas.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.