From Wikipedia, the free encyclopedia
Pud (üks'lugu latin.: árbor) oma äivoččed kazmused kovanke sarakoičijanke (päiči pal'mas) tüvenke, kazmusen üks' elonformišpäi.
Vl 2015 kaik oli 3 trillionad puid Mal, mülütihe niid läz 60 tuhaze erikoid. Kaikiš enamb puid om Venämas — mail'man videndez (640 mlrd). Toine videndez om Kanadas (300 mlrd) i Brazilijas (300 mlrd). Puiden mail'man lugumär poleneb, kadob 15 mlrd joga vodel mecan čapatesen i klimatan vajehtusen tagut, i kacmata sihe, miše nece londuseline vara udištase. Čaptas mecad samha pumaterialad i cellülozad, ottas kävutamižhe niid sauvondas, bumagan i puhthan ekologižešti pakuitesen tehmižes.
Jagadas puid lehtesiden toižendan mödhe — kavag'pud i lehtpud, mugažo lehtesiden elon hätkeližusen mödhe: lehtištonlanktendanke i igähižvihandad. Pud jagasoiš arealan mödhe: tropižed, ned elädas läz ekvatorad, i venon vönen, niiden leviganduz om edahan ekvatoralpäi.
Puiden klassifikacii om kävutandan mödhe: södabidenke ploduidenke ristitun täht — plodpud, andajad pumaterialid — arvokahad da kalližarvoižed pud, laivansauvomižen täht.
- Argad kand-ki pöl'gästoitab.
- Ei ole juretont pud.
- Gorä ei kävele puidme, a käveleb ristituidme.
- Härgad puhu leta ei sa.
- Lajind satatest ei tege, kuni pul pähä ei iške.
- Mecas pu-ki kuleb i nägeb.
- Mecas pud-ki ei olgoi ühteiččed, muga i rahvaz.
- Mitte jur', mugoine i pu.
- Mitte kand, mugoi i veza. / Mitte om kandoine, ka mugoine vezaine-ki.
- Pu ei lankte ühtel painandal.
- Vanh ak vinad job, laho pu vet vedab.
- Väges kondjad puhu ed lenda.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.