From Wikipedia, the free encyclopedia
Petrovsk-Zabaikal'skii (ven.: Петро́вск-Забайка́льский) om Venäman lidn da lidnümbrik Baikalantagaižen randan suvipäivlaskmas. Se om Petrovsk-Zabaikal'skijan rajonan administrativižeks keskuseks, ei mülü rajonha.
Lidnanznam | |
Valdkund | Venäma |
Eläjiden lugu (2021) | 15,626 ristitud |
Pind | 300 km² |
Pämez' | Igor' Zaripov (reduku 2018—, Игорь Зарыпов) |
Telefonkod | +7−30 236-xx-xxx |
Avtokod | 75, 80 |
Aigvö | UTC+9 (MSK+6) |
Eländpunktan aluz om pandud vl 1789 kuti Petran Tegim (ven.: Петровский Завод). Vl 1926 se sai lidnan statusad da oli udesnimitadud nügüdläižikš. Lidnan raudtestancii om olmas vspäi 1900, se om Transsiban pala i «Petran Tegim»-nimenke tähäsai.
Petrovsk-Zabaikal'skijan ižandusen päsarakod oma mecan ümbriradmine i sömtegimišt. Raudmetallurgijan i stöklan tegimed ei ole rados.
Lidn seižub mägidenkeskeižes katl'uses, Baläg- da Mikirt-jogiden kaidoiš alangištoiš (Hilokan i Selengan oigedpol'ne bassein), 800 m ü.m.t. keskmäižel korktusel. Matkad Čithasai om 414 km päivnouzmha raudtedme vai 480 km «Baikal»-avtotedme (R258), Burätijan Tazovaldkundhasai — 15..20 km lodeheze. Lähembaine lidn om Ulan Ude 105 km lodeheze orhal vai 200 km avtotedme.
Klimat om vilu subarktižen röunal. Voden keskmäine lämuz om −2,8 C°, kezakun-elokun +13..+16 C°, tal'vkun-uhokun −21..−25 C°.
Petrovsk-Zabaikal'skii om lidnümbrikon üks'jäine eländpunkt.
Vn 2010 Venäman rahvahanlugemižen mödhe lidnan eläjiden lugu oli 18 549 ristitud. Kaikiš suremb ristitišt oli 28..30 tuhad eläjid vozil 1959−1992 (30 945 rist. vl 1979).
Ortodoksižen hristanuskondan Pühän Jumalanmaman Katken jumalanpert'[1] om saudud vll 2004−2008.
Professionaližen opendusen aluzkundad: Čitan politehnižen kolledžan filial[2] (edel 2016. vot professionaliž-pedagogine tehnikum) i Čitan medicinižen kolledžan filial[3] (ende medicinine škol-tehnikum).
Edeline lidnan pämez' om Aleksandr Taranov (2009 — reduku 2018).
Maršruttaksid da taksid oma kundaližtransportaks lidnas. Ezilidnelektrojonused ühtenzoittas lidnad Ulan Udenke i Hilok-lidnanke.
Dekabristad-raudtestancii (ven.: Декабристы) om toine lidnas, sijadase kudes kilometras päraudtestancijaspäi Čitan polehe.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.