Pasklindunvuiččed

Pasklindunvuiččed (latin.: Passeriformes) om kaikiš äiluguižemb linduiden heimkund. Lugetas läz 5400 erikod, linduiden erikoiden koume videndest.

? Pasklindunvuiččed
Pasklindunvuiččiden erazvuiččend
Tedoklassifikacii
Valdkund: Živatad Tip: Sel'gjäntkeižed (Chordata) Klass: Lindud (Aves) Heimkund: Pasklindunvuiččed
Latinankel'ne nimi
Passeriformes (Linnaeus, 1758)
Sistematik Vikierikoiš Kuvad Vikiaitas ITIS 178265 NCBI 9126

Leviganduz

Kaikiš amuižembad heimon ezitajad oma löutud AUV:oiden i Saksanman eocenas (56..34 mln vozid tagaz). Voib vastata heimon erikoid kaikes mail'mas päiči Antarktidas i valdmeren erasiš-se sariš. Erikod oma äiluguižed tropikoiden mecoiš.

Ümbrikirjutand

Penen i keskmäižen suruden lindud, hibjan piduz oleleb 9,5 santimetraspäi (Regulus-heim) 65 santimetrhasai (kroikoi). Lühüd n'ok om žoubimha tähkheinid, sen aluz ei ole kattud vahal nikonz'. Käpšud oma kattud höunhil kandhasai, ezišpäi niiden suruz om enamba. Käpšul om nell' sor'mid, koume oma oigetud edehe, üks' tagaze, ezisor'mišpäi kaks' ühtenzoittas kerthel pidust' ezmäšt niveleht.

Erikoiden enambuses emäčud oma suremb mi ižačud. Sugudimorfizm ozutase sel'ktas höunhišton mujul, pajolinduil se om änes mugažo (vaiše ižačud pajatadas).

Klassifikacii

Heimkund jagase koumeks alaheimkundaks:

• Alaheimkund Acanthisitti (üks' sugukund, Uz' Zelandii)
• Alahemkund Tirannad (Tyranni)
  • Infraheimkund Eurylaimides (nell' sugukundad)
  • Infraheimkund Tyrannides (12 sugukundad)
• Alahemkund Pajopasklindud (Passeri)
  • Infraheimkund Corvida (29 sugukundad)
  • Infraheimkund Passerida (52 sugukundad)

Homaičendad

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.