Pöud (maižanduz)

Pöud om laged (mecatoi), tazo da avar paksus uma maižandusen täht, nituiden, saduiden da omaluižiden kartte.

Sil sanal voib olda toižid znamoičendoid; miše nähta niid, tulgat tänna.

Vinsent van Gog. Nižun pöudod läz Auversad pil'vekahan taivhan al, heinku 1890

Pöudho sidodud vepsän tärtused

• Kertta — küntta mad tošti.
• Kündatez — künttud pöud.
• Leta ma — küntta pöud tal'veks.
• Loukuz — čogaine uma pöudos.
• Pikesk — viga pöudol ägestamižen jäl'ghe.
• Pöudait — ait pöudol villäd kaičemha.
• Pöudemäg — mifine rahkoi, pöudon emägeine (хозяечка).
• Pöudon röun: oz., kagranröun — kagrasižen pöudon röun.
• Sikloičii — panii vehoid (sikloimid) ristit pöudol.
• Sikloim — veh pöudol vai semetud kerdha sarg pöudol.
• Zapol'k — edahaine pöud.

Kävutand

Kezapöud Bel'gijas

Pöudod kävutadas maižanduses:

• kazvatamha kündatesil maižanduzkul'turoid — tähkasižid da bobanvuiččid tobjimalaz;
• paimendamha kabjživatištod omaluižil.

Semetomad künttud mad jädas erašti kezandaks. Kaks'pöudoližuz da koumepöudoližuz oma olmas.

Pöudoiden kaičend

Puištutesiden jonod kävutadas kaičemha pöudoid mahusen erozijad vaste da niiden vezireguliruindan paremboičemha.

Pöudon toižendad

• Heinänsemnidenpöud.
• Letud ma — kündatez tal'veks.
• Luhtpöud — sidä kävutadas erasiden vezinavedijoiden kul'turoiden kazvatamha.
• Säng'pöud.

Tahon mapalad vinmarjoid da humalid kazvatamha oma mugažo pöudoiden toižendad.

Pöudho sidodud vepsän muštatišed da ozoitesed

Muštatišed

• Aidatomha pöudho kaikutne živat tuleb.
• Savišt pöudod ei sa küntta.
• Sömäta joksed läbi pöudos, a alasti ei sa.

Ozoitez

Must katläine pöudon peras kehub (muražmät).

Kacu mugažo

• Kas'k

Homaičendad