Kotkad vai Orlad (latin.: Aquila) om järedoiden linduiden heim, mülüdas Habukaižed-sugukundha. Lugetas 11 erikod heimos.
Sil sanal voib olda toižid znamoičendoid; miše nähta niid, tulgat tänna.
Leviganduz
Heimon erikod oma levitadud Evrazijas i Afrikas, kall'kotk — Pohjoižamerikas-ki. Kaks' erikod elädas Avstralijas. Linduiden lugumär poleneb läz kaikiš erikoiš (päiči Avstralijas).
Elädas mectundraspäi räkihe letetazangištoihesai. Tehtas pezoid man i kall'oiden pindal, puil.
Ümbrikirjutand
Täuz'kaznu hibj om 75..88 sm pitte. Händ om lühüdahk, suugad oma levedad maihutuzkekustanke 2,4 metrhasai. Käpšud oma höunhekahad sor'mihesai.
Söteltas henoil i kesksuruden sel'grodaižil, erasti habukan sömäl. Kaceltas sališt leten il'mas korktas, vai varastadas sidä ištten korktal sijal.
Valitud erikod
- Aquila adalberti
- Aquila audax — Tilgunhänd kotk
- Aquila chrysaetos — Kall'kotk (tipine erik)
- Aquila gurneyi — Molukkan kotk
- Aquila heliaca
- Aquila nipalensis — Stepin kotk
- Aquila rapax — Kividen kotk
- Aquila verreauxii — Kafralaine kotk
- Aquila wahlbergi — Hobedakaz kotk
Homaičendad
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
