Lüneburg (täuz' nimituz saksan kelel om Hansestadt Lüneburg [ˈhan.zə.ʃtat ˈlyː.nə.bʊɐk], alasaks.: Lümborg) om lidn Saksanman pohjoižes, Alasaksonii-federacijanmas.
Lidnanznam | |
Valdkund | Saksanma |
Eläjiden lugu (2021) | 75,599 ristitud |
Pind | 70,34 km² |
Pämez' | Klaudia Kališ (2021−2026, Claudia Kalisch) |
Telefonkod | +49−4131 |
Aigvö | tal'vel UTC+1, kezal UTC+2 |
Eländpunkt mainitase aigkirjoiš vspäi 956. Vspäi 1158 äjad Lüneburgan torgovanad ühtniba Torguindühtištushe, se oli edel Ganzad. Lidn ühtni Ganzan ühtištushe sen alusenpanendaspäi vl 1356 kahten sün tagut: geografine sijaduz i kommertine znamoičend, solan samižen purtked oma läz lidnad (samine jätksihe vhesai 1980).
Lüneburg oli Braunšvaig-Lüneburg-gercogkundan pälidnan 16.-17. voz'sadoil, Vel'fad ohjandiba sil. Hö sirdiba gercogkundan pälidnad Gannoverha, i Lüneburgan politiž-ekonomine znamoičend poleni.
Lüneburg šingotase Lünepark-tegimištzonal, penil edheotandoil: sobiden tehmine, vegetarižen sömän i maidproduktoiden pästand, avtoiden interjeran kompanijad, pästandkodi, lebukeskused. Port om El'ban kül'gkanalan (saks. Elbe-Seitenkanal) randal.
Lidn sijadase Il'menau-jogen randal (El'ban hura ližajogi), 17 m ü.m.t. keskmäižel korktusel. Matkad Gamburgan keskushesai om 50 km lodeheze kiruhtedme, lidnan röunoihesai om 32..36 km.
Vl 2013 eläjiden lugu oli 71 668 ristitud. Kaikiš suremb lidnan ristitišt oli 78 024 eläjad vl 2019.
Lüneburgan «Leufana»-universitet[1] radab vspäi 1989 (saks.: Leuphana University of Lüneburg, alusenpanend 1946 kuti opendajiden kolledž), läz 7,5 tuhad üläopenikoid.
Edeline lidnan pämez' om Ul'rih Medge (1991−2021, Ulrich Mädge).
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.