From Wikipedia, the free encyclopedia
Kordov (isp.: Córdoba) om lidn Meksikan päivnouzmaižes Verakrus-štatas. Se om Kordovan municipalitetan administrativižeks keskuseks.
Lidnanznam![]() | |
Valdkund | Meksik |
Eläjiden lugu (2020) | 139,075 ristitud |
Pind | 158 km² |
![]() | |
Telefonkod | +52−271 |
Aigvö | tal'vel UTC−6, kezal UTC−5 |
Eländpunktan aluz om pandud ispanijalaižil sirdnikoil vn 1618 26. päiväl sulakud. Pen' lidn sijazihe kesked indejalaižiden külid i kaiči ted Verakrus-portan i Mehikon keskes pagenuzid orjid vaste. Vl 1821 Kordovan kožundakt lopi Meksikan sodad ripmatomudes. Vll 1916−1920 lidn oli Verakrus-štatan pälidnaks. Vn 1973 Verakrusan manrehkaiduz toi erasid murendusid lidnale, äi kolonialižid sauvusid om kaičenus.
Kordov šingotase sömtegimištol (sahar, kofe, fruktad, kukuruz), metallurgijal, butulkvalamižmašinoiden pästandal, plastikan industrijal, mecan varhapanendal.
Lidn sijadase štatan keskuzpalas, 860 m ü.m.t. keskmäižel korktusel. Ühtenzoitase avtotel Verakrus-meriportanke, matkad sihesai om 111 km päivnouzmha-pohjoižpäivnouzmha. Matkad Mehikon keskushesai om 295 km avtotedme päivlaskmha-lodeheze.
Klimat om tropine. Kun keskmäine lämuz vajehtase +19..+25 C° vodes läbi. Ekstremumad oma +2 C° i +43 C°. Paneb sadegid 2363 mm vodes, enamba kezakus-sügüz'kus (354..472 mm kus).
Kordov jagase 15 ümbrikoks (isp.: barrio).
Vn 2010 Meksikan rahvahanlugemižen mödhe eläjiden lugu oli 140 896 ristitud, se oli kaikiš suremb lidnan ristitišt. Vl 2010 lidnaglomeracijan ristitišt oli 316 tuhad eläjid 460 km² pindal nelläs municipalitetas, vl 2020 — 336 tuhad ristituid sil-žo pindal.
![]() |
Kordov (lidn, Meksik) Vikiaitas |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.