From Wikipedia, the free encyclopedia
Kallaste (mugažo estin kelel; ven.: Калласте, edel 1923 vot Красные горы) om Estinman lidn valdkundan päivnouzmaiženno röunanno. Se om valdkundan kaikiš penemb lidn eläjiden lugun mödhe, Tartun makundan pala.
Lidnanznam
| Flag |
| Valdkund | Estinma |
| Eläjiden lugu (2019-01-01) | 738 ristitud |
| Pind | 2,3 km² |
 | |
| Telefonkod | +372-xxx-xxxx |
| Aigvö | tal'vel UTC+2, kezal UTC+3 |
Nügüdläižen eländpunktan aluz om pandud pagenuzil Uz'lidnan maišpäi vanhuskolaižil 18. voz'sadal kuti kalanikoiden külä Kokor-maižanduzusadiban sijas (est. Kokora). Kallas znamoičeb «rand» estikš. Kätihe lidnanvuiččeks žiloks (est. alevik) vl 1921. Žilo sai lidnan statusad vl 1938. Vll 1950−1959 se oli Kallasten rajonan keskuseks.
Kallasten ristitud elädas kalanpüdandal i turizmal (kaks' adivpertid).
Lidn sijadase makundan pohjoižpäivnouzmaižes čogas, Peipusjärven päivlaskmaižel randal. Toril-oja (est.: Torila) jokseb lidnan pohjoižes. Matkad Tallidnhasai om 162 km lodeheze orhal vai 198 km avtotel. Matkad volostin Alatskivi-žilo-keskushesai om 6 km suvhe orhal vai avtotedme, makundan Tartu-keskushesai om 40 km suvipäivlaskmha orhal vai 47 km avtotedme.
Vll 1991−2017 lidn oli ümbärtud Alatskivi-volostil. Vn 2017 redukuspäi Kallaste kadoti municipalitetan statusad i mülüb surenzoittud Peipsiääre-volostihe.
Vl 2000 kaik 1 195 eläjad oli lidnas. Vn 2011 Estinman rahvahanlugemižen mödhe eläjiden lugu oli 1 000 ristitud. Kaikiš suremb ristitišt oli 1,5..1,6 tuhad eläjid vll 1922−1970 (1 668 rist. vl 1959).
Rahvahad (2000): venänikad — 72,91%, estilaižed — 21,14%, toižed rahvahad — 5,95%.
Lidnan edeline pämez' oli Gennadi Kulkov (2015−2017).
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
