Joilan kirj (evr.: יוֹאֵל Joel' , grek.: Ἰωὴλ Ioel, latin.: Ioel, ven.: Книга пророка Иоиля) om evrejan Tanah-biblijan kirj Neviim-jagusespäi i hristanuskondan Vanhan Zavetan 29. kirj.
Original om sätud evrejan kelel. Hristanuskondan kirj kogoneb koumes jagusespäi, evrejan biblijas nelläspäi, evrejan originalan kahtenz' i koumanz' jagused oma ühtenzoittud Vanhas Zavetas. Joil'-endustai tegi kirjad, Vafuilan poig, toižid tedoid hänes ei ole. Kirjan datiruind om jüged azj tarkkohtiden vajaguden tagut, kirjutandan aig voib olda 9.-5. voz'sadad EME. Endustuz om sätud Judejas vai tarkoiktemb Jerusalimas ezimeletaden, paksus mainitadud niiden nimitusiden tagut.
Voib kacta Joilan kirjad Biblijan endustajiden pätemoiden lühüdaks starinaks. Ned temad oma onetomuziden i Sündun päivän endustuz, kucund kaita uskod da tehta kajindad i nousta moralid, Hänen rahvahan Sündun päzutandan ihastuseline varastuz. Kirj om täuttud Sündun tulendan da Hänen käskuzkundan varastandal.
Joil om kajindan endustai, kucub pühännoks i loičendannoks. Hristanuskojad arvostadas Joilad sidä kesken kut Vižkümnenden päivän endustajaks. Kirjas om äi parallelid Nägudezkirjanke.
Homaičendad
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
