From Wikipedia, the free encyclopedia
Guančžou (kit.: 广州 / 廣州, pin'jin' Guǎngzhōu [kwàŋ.ʈʂóu], sijaline kantonine virkand [kʷɔ̌ːŋ.tsɐ̂u] vai [kʷɔ̌ːŋ.tsɐ́u]) om Kitain lidn valdkundan suves. Se om valdkundan nellänz' lidn eläjiden lugun mödhe, Guandun-agjan administrativine keskuz. Ende nimitihe lidnad-ki Evropas agjan mödhe Kanton:aks sijaližel paginal.
| Valdkund | Kitai |
| Eläjiden lugu (2017) | 14,498,400 ristitud |
| Pind | 7 434,4 km² |
 | |
| Pämez' | Ven' Gohuei (viluku 2016—) |
| Telefonkod | +86−20 |
| Aigvö | UTC+8 |
Eländpunktan aluz om pandud enamba 2 tuhad vozid tagaz, oficialižen legendan mödhe — vl 862 edel meiden erad. Kaiken oli meriportaks, Šuukte meredme zavodihe neciš lidnas, verhad mad veiba ujuden kitajižid tavaroid. Vhesai 1840 Kantonan meriport oli üks'jäine avaitud Kitaiš evropalažiden torguindlaivoiden täht.
Guančžou šingotase omblendtegimištol, tavaroiden möndal tukuil (enamba 100 torgusid), kalankazvatusel, veroližen pramozlan tavaroil, tegimil (laivansauvomine, mašinansauvomine, himižed substancijad, elektropalad, koditehnik, cement, lehtezbumag, sahar, velosipedad). Kantonan jarmank (angl. CECF, Canton Fair) oleleb kahtišti vodes. Vl 2018 lidnan nominaline kogosüdäiprodukt oli US$347 mlrd (US$23,963 ühtele hengele).
Lidn sijadase sadas kilometras pohjoižhe Hel'mesižen jogen del't-regionaspäi, Čžuczän-jogen randal (lankteb Kitain Suvimerhe), 21 m ü.m.t. keskmäižel korktusel. Matkad lidnan keskusespäi Makaohosai om 145 km suvhe, Honkonghasai — 120 km suvhe-suvipäivnouzmha.
Klimat om subtropine. Heinkun i elokun lämuz' om +29 C°, vilukun — +14,3 C°. Absolütine minimum om 0 C°. Paneb sadegid 1736 mm vodes, vähemb kül'mkus-vilukus (32..41 mm kus).
Guančžou jagase 11 lidnümbrikho (edel 2014 vot oli 12), ned alajagasoiš 170 ühtnikha: 135 alaümbrikod (irdališt komitetad) i 35 lidnad.
Vn 2010 rahvahanlugemižen mödhe eläjiden lugu oli 12 780 000 ristitud. Kaikiš suremb ristitišt om nügüd'. Tulnuded radnikad ottas enamba pol't ristitištos, hö vajehtasoiš jogo koume-nell' kud. Hukou:n kart röunatab legaližen migracijan.
Metro, kiruhavtobusad, trolleibusad, taksid i jogiastjad oma kundaližeks transportaks lidnas. Metro radab vspäi 1999 (kit.: 广州地铁 Guǎngzhōu dìtiě, ühtes Fošanin metronke vl 2019 om 14 jonod, 259 stancijad, 476 km raudted). Kiruhjonused tuldas Uhanišpäi.
Rahvahidenkeskeine civiline Guančžou Baijun' lendimport (Baijun' — «vauktad pil'ved», CAN, 69,7 mln passažiroid vl 2018) sijadase 28 km pohjoižhe lidnan keskusespäi. Tehtas reisid Suvipäivnouzmaižen Azijan maihe i Kitain äjihe lidnoihe, mugažo mail'madme.
Arekip, Peru (sulaku 2004)
Durban, Kvazulu-Natal, Suviafrikan Tazovaldkund (heinku 2000)
Frankfurt Mainal, Gessen, Saksanma (sulaku 1988)
Fukuok, Japonii (semendku 1979)
Jekaterinburg, Sverdlovskan agj, Venäma (heinku 2002)
Lion, Francii (kül'mku 1988)
Los Andželes, Kalifornii, Amerikan Ühtenzoittud Valdkundad (keväz'ku 1982)
Manil, Filippinad (kül'mku 1982)
Oklend, Uz' Zelandii (uhoku 1989)
Sidnei, Uz' Suviuel's, Avstralii (semendku 1986)
Vankuver, Britanine Kolumbii, Kanad (keväz'ku 1985) |
Guančžou Vikiaitas |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
