Erzän kel'

Erzän kel' (ičeze nimituz: эрзянь кяль) om suomalaiž-ugrilaine kel', erzälaižiden kel'. Se om kadondan grazindan al.

Koumekeline tablut Saranskas: venäks, mokšaks i erzäks

Erzän kelen paginoiden kart Mordovijas, oma ozutadud sinižel mujul

Erzän kel' om Mordovijan Tazovaldkundan üks' koumes oficialižes kelespäi. Pagižijoiden lugu — 697 tuhad ristituid (vn 2002 Venäman rahvahanlugemine). Kelenkandajiden kaks' seičemendest elädas Mordovijas, toine pala eläb kompaktižil kundoil Venäman toižiš regioniš i enččen NSTÜ:n maiš.

Kirjkel' kävutase kirilližen kirjamišton pohjal. Vl 1803 pästtihe jumalanradnikoičendan tekstoid sil, vl 1884 ezmäine abekirj om pästtud erzän kelel. 1990-nziden voziden lopus kirjkel' latinan grafikan alusel om sätud, no se om oficialižeta statusata.

Kaik om koume paginad fonetižiden erindoiden alusel. Erigoittas vit paginad geografižikš mugažo, sijadusen mödhe Mordovijan jogirandoiden keskes: keskuzpagin, päivlaskmaine (insaran), lodehline (alatirin), suvipäivnouzmaine (suran), šokšun (izoliruidud).

Erzän kelen päiv (Эрзянь Келень Чи) oigendase erzälaižiden eländtahondoiš joga vodel 16. sulakud. Se voz'päiv om erzän kirjamišton Anatolii Rabov-tegijan sündundpäiv. Erzän kelen päzutandan fond hänen nimed (Saransk) pani kelen päiväd vl 1993.

Homaičendad

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.