From Wikipedia, the free encyclopedia
Dakar (franc.: (Ville de) Dakar [dakaʁ], volof.: Ndakaaru) om Senegalan pälidn da kaikiš suremb lidn. Se om Afrikan kontinentaližen palan kaikiš päivlaskmaižemb lidn, Dakaran agjan administrativine keskuz mugažo.
Lidnanznam
| Flag |
| Valdkund | Senegal |
| Eläjiden lugu (2023) | 1,182,417 ristitud |
| Pind | 82,38 km² |
 | |
| Pämez' | Soham El Vardini (sügüz'ku 2018—, Soham El Wardini) |
| Telefonkod | +221−8xx-xxxx |
| Aigvö | UTC+0 |
Nügüdläižen eländpunktan aluz om pandud 1860-nzil vozil francižeks fortaks kolonijan südäiterritorijan anneksijan jäl'ghe. Vl 1902 vajehti pohjoišt Sen Lui-lidnad Francižen Päivlaskmaižen Afrikan pälidnaks. Vspäi 1960 Dakar om ripmatoman valdkundan pälidnaks.
Lidn sijadase Kap-Ver-nemel, Atlantižen valdmeren randal, 0..104 m korktusil, 27 m ü.m.t. keskmäižel korktusel.
Klimat om subekvatorialine pol'kuiv valdmeren valatoitusenke. Meribriz puhub vodes läbi i poleneb räkän. Nepsuz om korged eskai kuivan sezonan aigan (kül'mku-kezaku, 19 mm kaikes pordos) meritullein tagut. Voden keskmäine lämuz om +24,0 C°, heinkun-redukun +26,9..+27,4 C°, tal'vkun-semendkun +19,9..+22,7 C°. Ekstremumad oma +14 C° (viluku) i +40,4 C° (keväz'ku, kül'mku). Paneb sadegid 411 mm vodes, enamba elokus-sügüz'kus (299 mm pordos), läz ei ole sagegid kül'mkus-semendkus (viž millimetrad pordos). Kun keskmäine relätivine nepsuz vajehtase 78..81 % röunoiš sulakus-redukus, 66..69 % tal'vkus-vilukus. Meriveden lämuz om +20..+27 C° kuidme.
Dakar jagase 19 lidnümbrikon kommunaks (franc.: communes d'arrondissement).
Lidnan edeline pämez' om Halifa Ababakar Soll (fr. Khalifa Sall, 2009−2018).
Vl 2011 lidnan eläjiden lugu oli 1 056 009 ristitud. Kaikiš suremb lidnan ristitišt om nügüd'. Kaik läz 3,9 mln ristituid elädas ezilidnoidenke vl 2023 (550 km², Dakaran agj, vl 2011 oli enamba 3,6 mln eläjid), valdkundan ristitišton nelländez.
Baku, Azerbaidžan
Dual, Kamerun
Marsel', Francii (vspäi 1968)
Sfaks, Tunis (1965)
Vašington (Kolumbijan federaline ümbrik), AÜV (1980)Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
