From Wikipedia, the free encyclopedia
Baikonur (kaz.: Байқоңыр, ven.: Байкону́р) om lidn Kazahstanan keskuzpalan suves. Mülüb Kazahstanan Kizilordan agjaha.
Lidnanznam | Flag |
Valdkund | Kazahstan |
Eläjiden lugu (2020) | 76,019 ristitud |
Pind | 54,98 km² |
Pämez' | Konstantin Busigin (semendku 2017—, Константин Бусыгин) |
Telefonkod | +7−33 622 (Venämaspäi) +7−73 622 (Kazahstanaspäi) |
Avtokod | 94 |
Aigvö | UTC+5 |
Eländpunktan aluz om pandud vl 1955 kuti Leninskii-žilo. Vl 1969 se sai lidnan statusad, i vhesai 1995 nimitihe Leninsk:aks (ven.: Ленинск). Lidn i ühtennimine kosmodrom oma Venäman kortomas vhesai 2050, Venäman federaližen znamoičendan lidnan statusanke, sauptud administrativiž-territorialine ühtnik.
Baikonur šingotase aerokosmižel tegimištol, kohenduzsauvondan edheotandoil, lämuzelektrokeskusel i torguindal.
Lidn sijadase Sirdarj-jogen oiktal korktal randal, 100 m ü.m.t. keskmäižel korktusel.
Klimat om terav kontinentaline kuiv. Voden keskmäine lämuz om +9,1 C°, kezakun-elokun +24..+27 C°, tal'vkun-uhokun −6..−9 C°. Ekstremumad oma −38 C° i +45 C°. Paneb sadegid 131 mm vodes, läz tazomäras kuidme (5..17 mm kus). Grunt jädub tal'vel 130 santimetrad süvüdehesai keskmäras.
Vn 2020 redukus kaikenaigaižiden eläjiden lugu oli 39 432 ristitud (Kazahstanan rahvahanikad), täuz' ristitišt — 76 019 eläjad. Vl 2009 eläjiden lugu oli 36 175 ristitud, vl 2018 — 39 161 ristitud. SATÜ:n kaikiš suremb ristitišt oli läz 140 tuhad ristituid vl 1990.
Baikonur Vikiaitas |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.