From Wikipedia, the free encyclopedia
Ašdod (evr.: אַשְׁדּוֹד Ašdod, arab.: اشدود vai إسدود Isdud) om Izrailin lidn da kaikiš järedamb port, Keskmeren päivnouzmaižel randal. Se om valdkundan kudenz' lidn eläjiden lugun mödhe, mülüb Suviümbrikho kaikiš surembaks lidnaks.
Ezmäižed eländpunktad-varmitesed mainitasoiš niil tahoil 17. voz'sadaspäi EME. Nügüdläižen eländpunktan aluz om pandud vl 1956 letkesižil kukhil läz vanhad lidnad sauvomha da kävutamha järedad elektrostancijad. Žilo sai lidnan statusad vl 1968.
Ašdod šingotase importan portal, elektrostancijal i reskveden tegimel, kivivoinpuhtastandan tegimel, sauvondmaterialiden i zelliden edheotandoil, sömtegimištol (voi sojaspäi), mugažo radioelektrokaičendan ladimišton sädamižen keskuz radab.
Lidn sijadase valdkundan päivlaskmas, Keskmeren i Lahiš-jogen (70 km pitte, evr.: נחל לכיש) randoil, 24 m ü.m.t. keskmäižel korktusel. Matkad Tel' Avivhasai om 30 km pohjoižhe.
Vl 1990 lidnan eläjiden lugu oli 83 900 ristitud, vl 2000 — 174 224 ristitud. Lidn vastsi äi immigrantoid enččen NSTÜ:n maišpäi.
Edeline lidnan pämez' oli Cvi Cil'ker (1969–1983, 1989–2008).
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.