From Wikipedia, the free encyclopedia
Šarlerua (franc.: Charleroi, mugažo alaman kelel, francine virkand [ʃaʁləʁwa], vall. Tchålerwè / Châlerwè [tʃɑːlɛʀwɛ]) om Bel'gijan lidn da kund valdkundan keskuzpalan suves, Vallonii-regionan Eno-agjas. Se om valdkundan nellänz' lidn eläjiden lugun mödhe.
Lidnanznam![]() | Flag![]() |
Valdkund | Bel'gii |
Eläjiden lugu (2022) | 202,421 ristitud |
Pind | 102,95 km² |
![]() | |
Pämez' | Pol Magnett (tal'vku 2012—, Paul Magnette) |
Telefonkod | +32-(0)71 |
Aigvö | tal'vel UTC+1, kezal UTC+2 |
Oficialine kel' om francijan kel'.
Eländpunktan aluz om pandud ispanijalaižil vl 1666 kut Šarnua-lidnuz (franc.: Charnoy), möhemba udesnimitihe noren Karl II-kunigahan oiktastuseks. Lidn om tegimišton keskusen 18. voz'sadaspäi, sijadase kesked hilen basseinad.
Šarlerua šingotase raudan metallurgijal, himižel tegimištol, stöklan tehmižel, elektrotehnižel tegimištzonal. Brüssel'-Suvine Šarlerua-lendimport radab seičemes kilometras pohjoižhe lidnan keskusespäi.
Lidn sijadase agjan päivnouzmas, Sambr-jogen randal (franc.: Sambre, alam.: Samber, 193 km pitte, Maasan hura ližajogi). Matkad Brüssel'-pälidnhasai om 50 km pohjoižhe.
Šarlerua jagase 15 nimitadud rajonaks, niišpäi 14 oliba kundoikš edel vn 1977 i oma mülütadud lidnha.
Lidnan ristitišt sen nügüdläižiš röunoiš jäb läz vajehtusita vspäi 1900, konz se oli 198 837 eläjad. Kaikiš suremb ristitišt oli 233 737 eläjad vl 1947. Vl 1990 eläjiden lugu oli 206 779 ristitud, vl 2010 — 202 598 ristitud. Vl 2008 lidnaglomeracijan ristitišt oli 522 522 eläjad (videnz' surtte valdkundas), 1 462 km² pindal.
Severz'-se universitetoid i institutoid ratas lidnas.
![]() |
Šarlerua Vikiaitas |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.