From Wikipedia, the free encyclopedia
El Scià o Tè el xe na bevanda, fata co un infuxo de foje de Camellia sinensis, na pianta coltivà soratuto en Oriente. El Regno Unìo xe el pì gran consumator de tè al mondo.
I primi riferimenti serti sol uxo del tè en Çina i xe del III secoło. El tè el vegnea uxà soratuto dai monaçi budisti par i so riti. Da'l X secoło el te el se difonde anca en Giapon. El primo riferimento al tè en un testo eoropeo el xe stà inte i resoconti del venesian Giovan Batista Ramusio. Ła prima inportasion de tè ła xe stà fata da i portoghéxi e po da i ołandexi, el xe deventà famoxo inte un primo tenpo en Fransa e inte i Paéxi Basi, e po anca en Inghiltera, cusì ga tacà anca łori a inportar e trafegar tè. El tè xe deventà na bevanda famoxa e tanto uxà en Inghiltera, che des xe el primo consumator del mondo.
El major produtor de tè al mondo xe 'a Çìna, po l'India e el Giapon. Altri grandi produtori i xe el Bangladesh, el Pakistan, l'Indonexia, el Sri Lanka e el Kenia, in Eoropa el tè el se coltiva un fià inte łe Azore.
I tipi de tè pì famoxi i xe el tè nero, el tè verde, el tè oolong, el tè bianco, el tè roso e el tè Pu'er o postfermentà.
Par preparar na tasa de tè se mete łe foje de tè inte na tejera e se mete el agua calda, fata bojar. Dopo un fià de mignudi se cava łe foje e se versa el tè inte ła cìcara. Pì foje se mete pì el tè el sarà forte.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.