Repùblega del Congo
From Wikipedia, the free encyclopedia
La Repùblega del Congo o Republica del Congo[11] xe no Stato de l’Africa Centrale.
El Congo confina co el Gabon a nordest, el Camerun a nord, la Republica Centrafricana a nordest, la Republica Democràtega del Congo a sudesst e l’enclave angolano de Cabinda a sudovest; la costa a sudovest la xe sul Golfo de Guinea.
_-_COG_-_UNOCHA.svg)
Zeografia
El paexe presenta de le pianure costiere che le se alsa man man che se va a l’interno, fin al altopian central.
El fiume Congo e i so tributari xe la carateristica pi importante del paexe.
La foresta equatorial la cuerze la majoria del teritorio.
Storia
Antighità
I primi abitanti de la rejone xera pigmei.
Co l’arivo de i bantu, i pigmei se sa spostà ne le foreste.
I regni bantu del Congo, di Loano e di Teke ga verto le trate comerciali in tuta la zona del Congo. I abitanti fasea marcà de sciavi, ma anca de oro che vegnea da lo Shaba e dal Katanga. Par on periodo, ghe fu anca na diocesi catolega co on vescovo locale.
Co la fin de la trata de i sciavi, anca i regni locali ga perso forsa.
Modernità
La Conferensa de Berlino del 1885 ga dato el teritorio a est del fiume Congo al re Leopoldo II del Belzo, e la zona tra i fiumi Congo e Oubangui a la Francia.
Dopo on periodo de protetorato, el Congo l’è diventà na colonia francexe rentro l’Africa Equatorial Francexe.
Indipendensa
La Republica del Congo xe diventà indipendente el 15 agosto 1960.
El primo presidente xera Fulbert Youlou che ga perso el poder in on colpo de Stato inte el 1963. Alphonse Massemba-Débat ga preso el so posto. Inte el 1968, co n’altro colpo de Stato, Alfred Raul ga preso el poder, par lasarlo dopo pochi mesi al major Marien Ngouabi. Ngouabi l’è stà copà l’oto marso 1977 e Denis Sassou-Nguesso ga tolto e so posto.
Inte el 1992 ghe stà le prime elesion democràteghe , vinte da Pascal Lissouba. Denis Sassou-Nguesso l’è tornà dopo na serie de violenze tra l’esercito e le milisie private de Sassou-Nguesso inte el 1997.
Zeografia politega
La cavedal le xe Brazzaville.[12]
Popolasion
Etnie
La popolasion xe quasi tuta de origine bantu, ma ghe oncora de le minoranse pigmee.
I grupi pi grosi xe: kongo 48%, sangha 20%, m’bochi 12%, teke 17%.
Religion
Chi che seve la cexa catolega i xe el 60%, cheli che seve le religioni tradisionali el 24%, i cristiani protestanti el 15%, i musulmani el 1%.
Lengoe
La lengoa oficial xe el fransexe.
Economia
La popolasion laora ne l’agricoltura par la susistenza.
I majori campi econòmeghi xe l’estrasion del petrolio, el legname pregiato, e la pesca.
No ghe industria de rilievo.
Gałeria de someje
fiume Kouilou-Niari
fiume Sangha
panorama de Pointe-Noire
brasal Bacongo in avòrio
Notasion
Altri projeti
Linganbi foresti
Wikiwand - on
Seamless Wikipedia browsing. On steroids.