Remove ads
El Ciłe o Chiłe, ufisalmente Repùblega de Chiłe[16], el ze un paeze sovran, ponesto inte l'estremo sud de Amèrika del Sud. Adota ła forma de goerno republikana, demokràtega, presidensiałista e unitària. La so kapitałe ła ze ła sità de Santiago.
.svg)
El ze formà da tre zone zeogràfeghe. La prima zona ke el ło kostituise ła ze el Ciłe kontinentałe, formà da na franza inte ła kosta osidentałe del Kono Sud ke ła se estende intrà i parałełi 17°29'57" S e 56°32'12" S, prinsipalmente partindo da ła riva sudorentałe del osèano Pasìfego finmente łe sime pì alte de ła kordillera de łe Ande. El Ciłe el ga na longhesa de 4270 km[17], na larghesa màsima de 445 km, inte i 52°21' S, e na mìnima de 90 km. inte i 31°37' S. El konfina kol Perù al nord, Bołìvia al nordest e Arzentina verso est, totałizando 7801 km de frontiere terestri, e el pasajo de Drake al sud.
La sekonda zona, el Ciłe insułare, el koresponde a un'insieme de ìzołe de orìzane volkanega inte l'osèano Pasìfego Sud: el arsipèłago Juan Fernández e łe ìzołe Desventuradas, apartegnenti al Sudamèrika, kusita kofà ła ìzoła Sałas e Gómez e ła ìzoła de Paskua, poneste in Oseània.
La tersa zona, el Teritòrio Ciłen Antàrtego[18], ła ze na zona de l'Antàrtede[19] de 1 250 257,6 km² intrà i meridiani 53° O e 90° O sora ła kuała ła nasion pì arente ła reklama sovranità, slongàndose finmente al Poło Sud[18], ke parò ła ze subordenada a keło ke ze sta disponesto inte el Tratà Antàrtego, del kuało el Ciłe el ghene ze un firmatàrio[20][21]. Dèbito a łe trè zone e a ła so pozision inte el pianeta, el se definise kofà un paeze trikontinentałe[22][23].
El ga na kosta de 6435 km de lonzitùdene[24] e l'ezèrsita deriti eskluzivi, reklamasion de difarente grado e sovranità inte el so spàsio marìtemo, ciamà mar ciłen[25]. Sto kuà el ze formà da kuatro zone[26]: el mar teritoriałe de 120 827 km²[27], ła zona kontìgua de 131 669 km²[27], ła zona ekonòmega eskluziva de 3 681 989 km²[28] e ła korespondente piataforma kontinentałe de 161 338 km²[28].
El Ciłe el konta ko un ìndaze de desviłupo uman konsidarà «tanto alto» e el ze el pì alto de l'Amèrika Latina[29]. El ze klasifegà kofà un paeze de rèditi alti dal Banko Mondiałe[30][30][31][32][33]. Inte el 2017, so 17 574 003 abitanti, di kuałi 8 601 989 i ze ómani e 8 972 014 fémane[34], i ga na persentuałe inte i ìndazi de alfabetizasion[35], kuałità de vita,[36][37][38] kresimento ekonòmego[39], speransa de vita, globałizasion[40] e PIL pro kàpite[41] ke i ze intrà i pì alti de Amèrika Latina.
Remove ads
Guera del Pasifego: bataja naval de Ikike, 21 de majo 1879
Dal 18 de setenbre del 1810, co ła kreasion de ła Prima Zonta de Goerno, ła kavedałe del Ciłe ła ze devegnesta Santiago del Cile.
Divizion aministrative
Par el so funsionamento aministrativo el paeze el konta de 16 rejon, 56 provinse e 346 komuni. El goerno de ogni una de łe rejon el ze derizesto da l'intendente, ke el ze nomenà dal presidente de ła Repùblega e el ze el so reprezentante naturałe e imediato inte el teritòrio rejonałe, sorbéndose łe so funsion e godendo de ła so fidabiłità. La aministrasion rejonałe ła koresponde ai goerni rejonałi, konformai dal respetivo intendente e un konsejo rejonałe, formà da konsejeri, ełezesti par votasion popołare par perìodi de 4 ani.
A so volta, el goerno de ogni provinsa el ze in kargo al goernadore, dezignà, kavà e renpiasà libaramente dal presidente.
Łe aministrasion lokałi łe korisponde a łe munisipałità, formae da un sìndiko e un konsejo komunałe, ełezesti par votasion popołare par perìodi de 4 ani.
Tute łe rejon łe ga un korispondente nùmaro roman, orizenalmente asegnà in konformità al so órdene zeogràfego da nord a sud —anka se inte el kaso de ła Rejon Metropułitana de Santiago no ghe ze nisun nùmaro roman. La kreasion de do rejon in pì inte el 2007 e na tersa inte el 2018 łe ghea fazesto-sì ke sta numarasion ła perdese el so senso orizenałe, anka se in rakuanti kazi i va vanti èsar doparai da ła popołasion e informalmente da łe istitusion.
| Organizasion teritoriałe del Ciłe[42] | ||||||
|---|---|---|---|---|---|---|
| Rejon | Popołasion[43] | Superfise (km²)[44] | Densità | Capitałe | Mapa | |
| Arika e Parinakota | 224 548 | 16 873,3 | 13,40 | Arica |
| |
| Tarapakáà | 324 930 | 42 225,8 | 7,83 | Iquique | ||
| Antofagasta | 599 335 | 126 049,1 | 4,82 | Antofagasta | ||
| Atakama[45] | 285 363 | 75 176,2 | 3,81 | Copiapó | ||
| Kokinbo | 742 178 | 40 579,9 | 18,67 | La Serena | ||
| Valparaìso | 1 790 219 | 16 396,1 | 110,75 | Valparaíso | ||
| Metropułitana de Santiago | 7 036 792 | 15 403,2 | 461,77 | Santiago | ||
| Libertador General Bernardo O'Higins | 908 545 | 16 387 | 54,96 | Rancagua | ||
| Maule | 1 033 197 | 30 296,1 | 34,49 | Talca | ||
| Ñuble | 480 609 | 13 178,5 | 33,5 | Chillán | ||
| Biobìo | 1 538 194 | 23 890,2 | 64,38 | Concepción | ||
| La Araukanìa | 938 626 | 31 842,3 | 30,06 | Temuco | ||
| Los Rìos | 380 181 | 18 429,5 | 20,88 | Valdivia | ||
| Los Lagos | 823 204 | 48 583,6 | 17,06 | Puerto Montt | ||
| Aisén del General Karlos Ibàñez del Kampo[46] | 102 317 | 108 494,4 | 0,95 | Coyhaique | ||
| Magalanes e Antàrtede Ciłen[47] | 165 593 | 132 297,2 | 1,26 | Punta Arenas | ||
| Ciłe | 17 373 831 | 756 102,4 | 23,24 | Santiago | ||
Remove ads
Aree metropołitane del Cile
Atakama
Inte el 2006 el Ciłe el ghea 16 134 219 abitanti[48]. Drio del censimento del 2017, el Ciłe el ga na popołasion de 17 574 003 abitanti, dei cuałi 8 601 989 i ze ómani e 8 972 014, fémane.[43]
Łe so àree metropułitane pì abitae łe ze Santiago del Cile, Consepsion e Valparaizo.
monte San Vałentin, a sud
fiume Łoa, a nord
panorama de Antofagasta
céza de Acao, patrimonio ONUESC
.JPG)
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads