Cuarto d'Altin

Cuarto d'Altin (IPA: /'kwarto d al'tin/; San Micèl del Cuarto^[2], IPA: /'kwarto d al'tin/) el xe un comun itałian de 8 004 abitanti de ła çità metropułitana de Venesia in Veneto.

Cuarto d'Altin

Pozision
45°34′42.96″N 12°22′21.72″E45°34′42.96″N, 12°22′21.72″E (Cuarto d'Altin)
Stato	Itàłia
Rejon	Vèneto
Sità metropułitana	Sità metropułitana de Venèsia
Capitałe	Quarto d'Altino (it)
Popołasion
Totałe	8 019 (2023)
Densità	283,06 hab./km²
Zènaro	4 118 (%51,4)   (%49) 3 928
Demònemo	altinati ,
Zeografia
Àrea	28,33 km²[1]
Altitùdene	4 m
Rente a	Cazałe sol Siłe Muziłe Roncade   Mojan Marcon   Méoło   Venèsia
Dati istòreghi
Dì festivo	Festa patronałe(8 de novenbre)
Patrono	San Michièl Arcànxoło
Còdazi de identifegasion
Còdaze postałe	30020
Còdaze de matricołasion	VE
Fuzo oràrio	UTC+1 UTC+2
Clasifegasion climàtega	clima subtropegałe ùmido
Prefiso tełefònego	0422
ID ISTAT	027031
Còdaze catastałe de Itàlia	H117
Sito web	comune.quartodaltino.ve.it

In baxe a ła łeje rejonałe n. 36 del 12 de agosto 1993 el so teritoro rientra inte l'area metropułitana de Venesia.

Geografia fixega

El teritorio xe atraversà dal trato finałe del fiume Siłe che se biforca in corespondensa de ła frasion de Portegrandi: un ramo stracurto, che segue el corso orixinałe, el xe cołegà a ła łaguna veneta par mexo de na chiuxa (xe el canałe Silone) mentre el ramo prinçipałe va vanti par Jexoło łongo el canałe scavà a l'epoca de ła Serenisima (el cusìdito Tajo del Siłe). Sta xona, afasada a ła łaguna e un tenpo prevałentemente paltanoxa, xe sta bonifegada a partir dal XV sècoło, anca se łe ópare pì radicałi se ga aveste tra el XIX e el XX sècoło.

Da recordar che el 70% de ła superfiçie comunałe ła xe sotoponesa a vincoło, cuindi el sviłupo urbanistego xe stremamente controłà. Cuesto par ła prexensa de alcuni siti de interese anbientałe, paesajistego e storego: ła xona archeołoxega de Altin, el Parco naturałe rejonałe del Fiume Siłe, l'oaxi naturałistega de Trepałade e ła Łaguna Veneta^[3].

Storia

Par savèrghene de pì, vardarse anca ła voze Altinum.

Sito archeołoxego de Altin

Muxeo archeołoxego di Altin

Ła storia del comun ła xe indisołubilmente łigada a ła sità de Altin, antigo insediamento pałeoveneto e drìoman municipium roman. In epoca romana el teritorio de Cuarto Altin el xera traversùà da na inportante strada romana, ła via Gallica. Cuarto Altin, in partegołar, distava cautro méji da Altin, da cui el nome in latino del çentro abità (Ad Quartum), che existeva xa in sta epoca storega.

Notevołe porto comerciałe so łe rive de ła łaguna, Altin xe decadesta drìoman a łe distrusion dei barbari e al mudar de łe condision anbientałi, che ga determenà l'inpałudamento de ła xona. Ła popołasion se ga trasferìa inte l'estuario fondando un primo enbrion de ła futura Venesia e altri inportanti insediamenti come Torceło, Muran, Buran. Ciò che restava de Altrin ga servìo come "priàra" da cui trar materiałe de recupero, restanse de łe antighe vestigia.

Inte el fratenpo, fursi in epoca łongobarda, se jera sviłupà a ła stremità oçidentałe del teritorio un picoło cormèło datorno a na capeła intitołada a San Michele Arcangelo; ła maniera de dir "del Cuarto" ła xe stà xontada in cuanto el paexe distava cuatro meji romani da l'antiga Altin. El viłagio dependeva da ła diocexi de Torceło fin dal 1177^[4].

Ła xona orientałe del teritorio ła xe restada inpałudada fin al XV sècoło, cuando ła Serenisima ga scominsià l'inponente ópara de bonifega e ripopołamento, che se ga protrà fin a l'inisio del Novesento. Ła caxùa de Venesia (1797) ła ga vedesto l'istitusion dei comuni de San Micèl del Cuarto e de Trepałade (so ùltemo asorbìo dal primo co l'istitusion del regno Łonbardo-Veneto).

Tra l'Oto e il Novesento el çentro vitałe del comun s'a spostà pì a est, dove se cata tutora. Sta xona jera un mucio popołada grasie a łe bonifeghe, ma el sviłupo urban xe stà favorìo dal pasajo de ła ferovia Venesia-Trieste e da ła costrusion del ponte sol Siłe. Anca ła parrochiałe xe stà costruìa da novo in sta xona. El antigo cormèło de San Micèl, ormai łocałità marxenae, ła ga riçevesto l'apeadivo "Vecio" par destinguerla dal novo abità.

Notasion

1. voze de refarensaistat.it.
2. AA. VV., Dizionario di toponomastica. Storia e signifegà dei nomi geografici italiani, Milano, Garzanti, 1996, p. 526.
3. Informazioni dal sito del Comunecomune.quartodaltino.ve.it. entrada il 26 gennaio 2010 (archivià dal URL orizenałe il 25 agosto 2010 Il valore del parametro dataarchivio non combacia con la data decodificata dall'URL: 25 de agosto 2010 (juto)).
4. Daniele Scomparin, La pieve di Casale sul Sile. Il territorio, le cappelle e i comuni minori, Silea, Piazza Editore, 1994, p. 44.