Partio pułìtego eoropeo

On partio pułitego Eoropeo, o anca dito partio pułitego a livel eoropeo, xe un tipo de partio pułitego de l'Union Eoropea che el ga dirito a risevare schei da l'Union. I Eoropartii i laora a livel transnasionale, i xe fondai e organixai da partii nasionałi, no da singołe persone.

Manifestasion del GUE-NGL a Borseła

El articoło 10.4 del tratà de l'Union Eoropea el dixe:

[...] I partii pułiteghi a livel eoropeo, i contribuirà a far na cosiensa pułitega eoropea e a esprimare ła vołontà dei sitadini de l'Union.

Recuixìi xurideghi

Par esar considerai un partio pułitego eoropeo dal dirito comunitario, st'ultimi i ga da ver determinade recuixìi:

• Personałità xuridega inte el paexe menbro andove gh'è la sede;
• Vere na raprexentansa in almanco un cuarto dei Stati de l'Union;
• Rispetar i prinsipi e i vałori andove se fonda l'Union eoropea, che i rispetee lo stato de dirito: Libartà, democrasia, rispeto dei diriti umani e de le libartà fondamentałi
• Ver dichiarà de vołer candidarse a ełesion eoropee.

I partii pułiteghi eoropei i forma i grupi parlamentari eoropei. Tutavia, sti grupi no senpre i corisponde de ideołoxia co i so conponenti, parché tra partii nasionałi gh'è senpre difarense da paexe a paexe. Inte el parlamento eoropeo, ghe xe rapresentanti de partii nasionali che no i xe iscriti in nisun partio pułitego.

Par fare un grupo parlamentar in Eoropa, serve almanco 19 menbri de almanco sìncue Stati menbri de l'UE.

Lista partii Eoropei

Deso

Deso, i partii riconosui a liveło eoropeo e finansiai da l'Union Eoropea i xe cuindaxe.

	Scurso	Partio	Ideołoxia	Dal
	PPE	Partio Popołare Eoropeo	Cristianexemo democratego e Conservatorismo liberałe	2004
	PSE	Partio del Sociałismo Eoropeo	Socialdemocrasia, Sociałismo e Progresismo	2004
	RE	Rinova Eoropa	Liberałismo, Liberaldemocrasia	2004
	PDE	Partio Democràtego Eoropeo	Sentrismo, Eoropeismo e Liberałismo sociałe	2004
	V	Partio Verdo Eoropeo	Anbientałismo	2004
	ALE	Leansa Lìbara Eoropea	Indipendentismo, Autonomismo e Rejonałismo	2004
	GUE	Partio de ła Sanca Eoropea	Eorocomunismo e Sociałismo	2004
	EUD	EUDemocrats	Eoromalfidentismo e Conservatorismo nasionałe	2006
	AECR	Leansa dei Conservatori e Riformisti Eoropei	Conservatorismo nasionałe e Anti-Federałismo	2010
	ECPM	Movimento Pułitego Cristian d'Eoropa	Cristianexemo democratego e Conservatorismo sociałe	2010
	IED	Identità e Democrasia	Eurosetisismo	2015
	APF	Leansa par ła Paxe e ła Libartà	Eurosetisismo	2015

Na 'olta

	Abreviasion	partio	Ideoloxìa	Dal	Al
	AEN	Ałeansa par l'Eoropa de łe nasion	Conservatorismo nasional	2004	2010
	ADIE	Ałeansa dei Democrateghi Indipendenti in Eoropa	Conservatorismo nasional e Eoromalfidentismo	2006	2008
	MELD	Leansa par l'Eoropa de łe Nasion	Conservatorismo nasional e Eoromalfidentismo	2012	2016