Parco rejonałe dei Cołi Eugànei
From Wikipedia, the free encyclopedia
El Parco Rejonałe dei Cołi Eugànei el ze uno dei sìncue parchi naturałìsteghi inte ła rejon Vèneto, situà inte ła parte sud-òvest de ła provincia de Pàdoa.
 Parco rejonałe dei Cołi Eugànei | ||
| ||
| Dati | ||
|---|---|---|
| Sorte | Parco rejonałe e àrea protezesta  | |
| Costrusion | 10 de otobre del 1989 | |
| Caraterìsteghe | ||
| Àrea | 18 694 km² 18 694 ha | |
| Pozision | ||
| Rejon aministrativa | provincia de Pàdoa (Itàlia) | |
| ||
| Categoria V de ła UICN: Paezajo terestre/marin protezesto | ||
| World Database on Protected Areas | ||
| Identifigadore | 32701 | |
| Ligo web | parcocollieuganei.com | |
|
| ||
El Parco el ze sta istituio co ła Leje Rejonałe n.38 del 10 de otobre del 1989 conprendendo 15 comuni.
El particułar paezajo, ła formasion zeołòzega, e ła flora e fàuna dei Cołi Eugànei, co i so beni culturałi, i ze stai declarai da sta leje àrea protezesta, conprendeste łe sorzenti termałi calde che łe sorze da sti cołi, i pì alti de ła Pianura Padana.
Aministrasion
El parco el ga sede aministrativa a Este. In cao de l'aministrasion ghe łe ze el Presidente e el Diretore. I sete menbri del Comità Ezecutivo (el Presidente isteso el ze uno de sti cuà) i ze responsàbiłi cadauni de un'àrea spesìfega (el Presidente par l'organizasion, el budget e ła programasion del personałe, el resto par l'agricultura e łe foreste, l'edilìsia, ła cultura e el turismo, ła natura e l'anbiente protesion, pianìfegasion de ła sità e del teritòrio, promosion e desviłupo del teritòrio). L'aministrasion del parco ła conprende anca raprezentanti locałi e rejonałi, o sia uno par comun (in totałe 15) e tre raprezentanti cadauni par ła provincia de Pàdoa e ła rejon Veneto, oltre che a un comità tècnego sientìfego de sie menbri.
El fin primàrio de l'aministrasion del parco rejonałe ła ze ła conservasion de ła natura e dei beni culturałi da na parte e ła promosion de l'agricoltura sostenìbiłe e respetoza de l'anbiente e del turismo dolse da l'altra. L'aministrasion ła se ga prefisà numarévułi projeti che i ze stai o i ze in corso de reałizasion inte el corso dei ani.
Mezure de salvavàrdia
Racuante de ste mezure łe ze stae atuae co finansiamenti de l'Union Eoropea.
- Infrastruture: Reałizasion de na rete de sentieri escursionìsteghi, publegasion de mape, reałizasion de picenini parcheji co àree pic-nic e panełi informativi su ła zeołozia, flora, fauna e beni culturałi dei Cołi Eugànei
- Tuteła del bosco, de ła flora e de ła fàuna: catàłogo de łe mezure par prevegner el ris-cio de insendi boschivi, inbastimento de biotopi, rezitrasion de łe popołasion animałi, emision de matèriałe informativo, studi sientìfeghi su łe spece de ozełi prezenti inte el parco,
- Pianifegasion teritoriałe, promosion de l'edilìsia respetoza de l'anbiente,
- Inisiativa par ła cultivasion de piante medezinałi e ùtiłi a ła sałute
- Conservasion e renverdamento dei prà àridi (vegri) sbandonai da l'agricultura e presedentemente doparai cofà parcheji, descaghe e par el motocross
- Agriturismo e creasion de ponti véndita de prodoti rejonałi arente de łe atrasion turìsteghe
Comuni partegnenti
Notasion
Altri projeti
Linganbi foresti
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
