Michael Bublé
From Wikipedia, the free encyclopedia
Remove ads
Michael Steven Bublé (Burnaby 9 setenbre 1975), el ze un cantante canadexe.
Remove ads
Biografia
I primi ani
Dopo esarse trasferìo co ła fameja a Vancouver a l'età de 8 ani, el gavarìa vołesto deventàr zornałista, ma subito se ga scoverto el só tałento muzegałe, anca grasie a i incoragiamenti de so nono (Demetrio Santagà, orizenario de Pregansiol, che'l ga spozà nona Iolanda, che rivava da Carrufo, frasion picenina de Viła Santa Łusia dei Abrusi inte ła provinsia de l'Aquiła), che par primo el ło ga łansà a'l pùblego canadeze.
Co'l gaveva 17 ani el ga vinto el premio a'l Canadian Youth Talent Search e inte'l ziro de pochi ani el gà insidesto serti CD de marca dependente, zonzendo po' a'l vero suceso inte'l 2003 co l'insìda de l'àlbun Michael Bublé A'l momento el gà vendùo più de 22 miłion de dischi.
Cresùo a son de swing e so łe note de Ella Fitzgerald e Frank Sinatra, Bublé el ciapa tanto da 'sto tipo de mùzega, par zonta łontana da ła zenarasion de ła cuała el faseva parte, e 'l deside de cantarla otenjindo òtimi rezultadi. E cuesto soratuto grasie a i nomi itałiani, visto che anca ła nona Iolanda Moscone, ła ło ga senpre segondà co rescaldo. El taca un mucio zóvane a zirar el Canada co racuanti grupi insidendo anca un bon nùmaro de àlbun.
Remove ads
L'incontro co David Foster
Michael el vien ingagià par cantar a ła festa de matrimonio de só fia de'l primo ministro canadeze Brian Multroney: tra i ospiti ghe ze anca el produtor discogràfego David Foster, scovridor de tałenti de ła Warner Bros. Foster inte'l vardarlo ezibirse el resta imagà e el ło mete soto contrato par ła 143 Records, picoła eticheta de ła Reprise. Inte'l 2003 vien publegà l'àlbun de ezordio da'l titoło Michael Bublé che'l ghe ne respecia łe atitudini patoche e łe ło rendarà famozo in tuto el mondo, canson pop co standard de'l jazz, da Moondannce de Van Morrison a un clàsego del jazz cofà The way you look tonight. El disco, anca grasie a i sontuozi aranzamenti e a na granda orchestra inte ła tradision de łe mejo Big Band americane, el rezulta èsar ła raprezentasion de'l mondo muzegałe inte'l cuało Bublé el ze cresùo e inte el contenpo un omagio a i interpreti che mazormente i ło ga ispirà Frank Sinatra, Bobby Darin, Ella Fitzgerald e i Mills Brothers.
Da ałora el suceso el ze cresùo senpre de più, co tournée intarnasionałe, partesipasion e show tełevizivi e łe rezistrasion de diversi àlbun, l'ùltemo de i cuałi el zeChristmas del 2011.
Stra picoło cameo de Michael Bublé inte'l film Duets de'l 2000 de Bruce Paltrow, a cuel tenpo sconosùo a'l pùblego intarnasionałe, co ła pì famoza Gwyneth Paltrow.
Na tournée, scominsiàda inte'l Zenaro 2010 ła ło gà menà inte łe mazor cavedałe eoropèe; serte date itałiane łe ze stàe postisipàe par motivi parsonałi de l'artista.
Vita privàda
Michael el ze stà fidansà co Emily Blunt da'l 2005 a'l 2008. Inte'l łujo 2008 i do ga concludesto ła rełasion a càuza de i inpenji profesionałi che entranbi i gaveva, ma continuando a mantenjir un raporto de amighesa. Atualmente, el ze spoxà co Luisana Lopilato, conosùa in Arzentina. I do i se gà spozà co rito siviłe el 31 marso 2011 a Buenos Aires. El 2 apriłe i s'a spozà senpre a Buenos Aires co rito rełigiozo. Ła toza ła ze conparsa inte'l video de'l só àlbun Crazy Love, inte ła canson Heavent'Met You Yet. El cantante el ze asè amigo de Fiorello; tra l'altro, propio a na pontada de Viva Radio 2 el ga fato na fedełe imitasion de Eminem. Durante ła segonda pontada de Il più grande spettacolo dopo il weekend, Michael el ga verto ła trazmision e drioman el ga dotà co Fiorello.
El ga otenjùo ła dopia sitadinansa canadeze e itałiana.
Remove ads
Caratarìsteghe artìsteghe
Profiło vocałe
Michael Bublé el ze un baritono. Ła só estension vocałe ła va da'l Mib1 (come se pol sentir da ła só cover de The More I See You) a'l Sib3 (inte n'altra cover, Kissing a Fool. El ze stà clasiegà cofà "l'erede" de Frank Sinatra paró el só partegołar tinbro vocałe. El só stiłe un mucio confidensiałe el ze simiłe a cueło de grandi Crooner cofà Nat King Cole e Bing Crosby.
Interprete e autor
Bublé el se aferma cofà interprete, ma da l'àlbun it's Time el mostra de aver doti de autor grasie a ła bałada Home. Drioman el scrivarà Lost ispirà da ła situasion sentimentałe co l'atora Debbie Timuss) ed Everything (ispirada anca 'sta volta da na ex novìsa, Emily Blunt) entranbe contenjùe inte l'àlbun Call Me Irresponsible. Da l'àlbun Crazy Love łe canson che'l ga scrito łe ze Haven't Met You Yet e Hold on. Infine pa'ła spesiałe edision de Crazy Love Crazy Love(Hollywood Ediiton), Bublé el pùblega Hollywood.
Remove ads
Formasion
Precedenti menbri de ła band
- Frank Basile - sasosfono
- Massimo Bolcati - baso
- Jason Godman - sasofono alto
- George Kavoukis - Accordéon
- Lyman Medeiros - baso
- Randy Napoleon - chitara
- Peter Van Nostrand - bateria
- Bill Wysaske - bateria
Discografia
Albun studio
Live
- Come fly with me
- Caught in the Act
- Michael Bublé Meets Madison Square Garden
Compilation
- The Michael Bublé Collection (2011)
EP
Albun indipendenti
Singołi
- Moondance (2003)]]
- Sway (2003)
- Come Fly With Me(2004)
- The Way You Look Tonight (2004)
- You'll Never Find Another Love Like Mine (2004)
- How Can You Mend a Broken Heart (2004)
- Spiderman Theme Song (2004)
- Let It Snow (2004)
- Home (2005)
- Feeling Good (2005)
- Save The Last Dance for Me (2005)
- You'll Never Find Another Love Like Mine (Live) (feat.Laura Pausini) (2005)
- Quando Quando Quando feat.Nelly Furtado (2006)
- Everything (2007)
- Me and Mrs. Jones (2007)
- Lost (2007)
- Haven't Met You Yet (2009)
- Hold On (2009)
- Hollywood (2010)
- Cold December Night (2011)
Altro
'Vanti de deventàr cantante el gà avùo na carièra curta de ator. Infra łe varie interpretasion, va ricordà ła partesipasion a do episodi de The X-Files de ła tersa stagion, intitołài "L'ufo degli abissi p.t. 1-2" e ła conparsa inte el fim "Duets" co Gwyneth Paltrow e Huey Lewis. El xe anca aparesto inte el 4° epixodio de ła segonda stajon de Las Vegas inte el ròło de se steso.
Note
Altri progeti
Wikimedia Commons el detien imàjini o altri file so Michael Bublé
el detien schemi gràfeghi so
Wikiwand - on
Seamless Wikipedia browsing. On steroids.
Remove ads