Marcà

La parola marcà in economia, la indica el logo (in senso fixego e anca figurà) e al contenpo anca el momento andove se fa i scanbi economego-comersali de materie prime, beni e servisi, schei e vari mestieri finansiari del sotosistema economego al qual se riferimo. Co la parola marcà, de le 'olte, se vole dirghe anca al sistema economego, che de precixion se definise co economia de marcà.

El marcà cuerto de Trieste

Descrision

El marcà l'é on insieme de la domanda e de l'oferta. In parole microeconomeghe e macroeconomeghe, el marcà l'é definio come punto de convergensa tra domanda e oferta. Co sta definision, se se riferise, come xà dito prima, a on logo fixego o anca astrato.

Se parla de "marcài", al plurale, dato che ghe xe pì marcai, fin che existarà pì sistemi economisi (a exenpio i sistemi nasionali), ma anca drento on calsiasi sistema economego se pole vedar prevardabili e analixabili movimenti dei sistemi economisi. Sti movimenti i se pole ragrupar par categorie de localixasion, tipoloxia, modi e tante altre carateristeghe che li difarensia. Co sto qua, se pole ver i marcai rejonali, e come "rejon" se intende on gran toco par cualità o cuantità, de sojeti o dei scanbi, del sistema xenerale, o anca i marcai internasionałi.

Na vecia riserca, la catava intanto na prima distinsion tipoloxega merseoloxega xenerale, par tipo de ojeto de scanbi, tra marcà mobiliare (uncò conosuo come marcà finansiario) e el marcà imobiłiare. N'altra distinsion la se pole ver vardando el modo de far i scanbi, come el marcà tełematego.

Sojeti

• Cronpadori: in sta categoria se ciapa rento anca i consumadori (che i cronpa beni e servisi par uxo personal) e le inprexe (che le cronpa laoro, cavidałe e materie prime, par la produsion de beni e servisi.
• Vendidori: in sta categoria se ciapa rento anca le inprexe, che le vende i beni e i servisi, da lori prodoti, i laoradori che i vende i so servisi e i propietari de risorse produtive (beni imobili), che le pole esar date a altri (vendita), col fin de ciaparghine el preso o co on limite de tenpo (par locasion) col fin de ciaparghine la rendita.

Cronpadori e vendidori i interajise par far i marcai. On marcà l'é on insieme de cronpadori e vendidori che i interajise, xenerando cusita de le oportunità de scanbio.

Corelae

• Marcà del contadin

Altri progetti

• Wikimedia Commons

• Wikimedia Commons el detien imàjini o altri file so Marcà

Controło de autorità	GND (DE) 4037621-7 · NDL (EN, JA) 00571347