La lat la ze an alimento liquido fat da le ghiandole mamarie de le mastce dei mamiferi. Al ocor par darghe da magnar a i boat dei mamiferi al inìsio de la so vita.
Fata ecesion par al ornitorinco e al echidna aonde che da le ghiandole mamarie la lat la va direta al esterno, ten tuti i mamiferi la se bina te el scarp (che al pol esser fat da un numero variàbiłe de tete), e al gnen fora da i tet solche se i gnen stimoladi da la boca del boat.
Infin da la antichità i omi i ga inparà a stimolar i tet co le man in modo da far gner fora la lat de serti mamiferi, in particolar de le vache.
Al bisogn de salvar la lat al ga portà a la invension de diversi derivadi de longa scadensa come al botiro, al fiormai, al jogurt e la poina.
la lat pena moldesta par esser beesta la ga da gner boista in modo da sterilizarla da eventuai bateri che la pol er la vaca. An procedimento pì segur al ze la pastorizasion. Na olta la lat la era tuta del primo tipo, ma la industrializasion de le laterie e le norme igieniche le ga fat in modo che par ani te el marcà se epje catà solche lat pastorizada. Al dì de incoi se pol vender oncora la lat pena moldesta purchè se el fae co adeguade autorizasion secont na filiera controlada. Al ze in continua cressita al numero de distributor del genere. An nantro tipo de lat che se cata te el marcà al ze quel a longa conservasion, che al ga subì an tratamento de uhterizasion.
Co el termine "lat crut" se intende quel che la vaca la fa dei primi dì dopo er fat al vedel. Se trata de un lat che no el ze tanto adato a la alimentasion dei omi e che, se el gnen laorà, al dà origine al formai cagnon o pincion, da la carateristica spusa de piei.
Altri progèti
Wikimedia Commons el detien imàjini o altri file so lat
el detien schemi gràfeghi so
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
