From Wikipedia, the free encyclopedia
Knight Rider (Supercar) ła ze na serie tełeviziva americana produzesta infrà el 1982 e el 1986, intarpretàda da David Hasselhoff
Paeze | Stati Unii de l'Amèrica |
---|---|
Zènare | action television series (en) e sèrie połisiesca |
Ecuìp tècnega | |
Creador | Glen A. Larson (it) |
Produtor | Bruce Bilson (it) |
Conpozitor | Stu Phillips (it) |
Atori | |
Destribudor | Universal Television (it) |
Łéngua orizenałe | inglezo |
Canałe orizenałe | NBC |
Durada dei capìtułi | 45 min |
Primo epizòdio | 26 de setenbre del 1982 |
Ùltemo epizòdio | 8 de agosto del 1986 |
Stajon | 4 |
Epizodi | 90 |
Lista epizodi | episodi di Supercar (it) |
Spin-off | Supercar 2000 - Indagine ad alta velocità (it) , Team Knight Rider (it) , Knight Rider (it) e Code of Vengeance (it) |
Pì informasion | |
|
Ła vicenda ła taca co'l salvatagio de un omo da parte de łe industrie Knight, l'omo el ze Michael Arthur Long (intarpretà da Lary Anderson, che dòboto el vien copà da dei criminałi. Ła só vita ła canbia de'l tuto parchè el deventa Michael Knight (intarpretà da David Hasselhoff e in conpanjìa de KITT, na automobiłe automatizada patòca che ła ze in grao de parlàr, controłàda da na intełigensa artifisiałe, scominsiarà na łonga bataja contro "łe forse de'l małe".
Ła serie ła ga vinto un "People's Choice Awards" inte'l 1983 par el megio ator protagonista e uno "Young Artist Awards" par el mejo zòvane ator non protagonista, Keith Coogan, senpre inte'l 1983. Ła venjarà intarota so'l fenìr de ła cuarta stajon, inte'l 1986, a cauza de un inprovizo cało dei ascolti, che no ła riusiva pì a bałansàr i costi masa alti de produsion. 'Sto fato el ze capità in modo imprevisto, in cuanto l'ùltemo epizodio in asołuto, La spedizione maledetta, ła finise in modo normal patòco e sensa łasàr predominàr njente de ła fìn definitiva de ła serie.
El tełefilm el ze restà par un mucio de pasionà ogèto de culto, anca se łe repreze łe gera finìe da sìrca vìnti ani. Ghe ze nùmarozi Fan Club e forum in varie nasion. I fan pì sfegatà i ga parfìn de łe repliche parfete sia inte i interni che inte i esterni de KITT e de KARR, ełaboràe a partìr da'l modèło de serie de l'auto da cui entranbi i riva Pontiac Firebird Trans Am).
El 17 febraro 2008 el ze stà trasmeso so ła rete tełeviziva americana NBC un film de ła duràda de do ore che'l gavarìa podesto èsar l'epizodio piłota de na nòva serie de Supercar, roba che po' ła se gà concretizà grasie ai ìndazi de scolto stremaménte alti. Ła nòva serie ła gà tacà mèrcore 24 setenbre so ła NBC.
A ze só fiòło de Wilton Knight, parfetamente conpanjo inte'l fìzego a Michael Night (e intarpretà da'l steso ator) fora che par el fato che'l ga mustàci e piseto, ma co ła difarensa che st'altro el ze un mucio gazarà co manìe de grandesa e par 'sta razon el ze stà dezeredà da só pare. Grasie a ła cativeria che'l gà, el ze bon de costruìr un camion dotà de ła stesa inbaładùra mołecołar de KITT ciamà Goliath. Inte ła só ùltema conparsa el par rebaltarse zó da un buron, ma no ghe sarà mai ła certesa che'l ze morto.
El ze un enorme camion dotà de remurcio che'l partesipa a do epizodi de ła serie tełeviziva "Knight Rider" (Supercar). El revestìo patoco de'l steso inbògio mołecołar che'l coverze sia KITT che KARR ma, desferiensandose da 'ste do auto, Goliath no'l ga un conputer, njanca na intełigensa Artifisiałe o funsion strazordenarie. Ła só forsa ła stà soło inte'l fato che'l ze inponente e scuazi indestrutibiłe. El ze stà costruìo da Garth Knight par reałizàr de łe asion criminałi ła prensipałe cueła de copar e desfàr i só nemighi, Michael Knight e KITT, che parò in entranbe łe ocazion el riusirà a vinser anca se co tanta fadiga.
Ła serie tełeviziva ła conprende 84 epizodi (alguni conponesti da do parti) divizi in cuatro stajon. Inte i Stati Unii i ze stài trazmesi da l'emitente NBC, mentre in Itałia da Italia 1. De sòłito i vien reproponesti, senpre so'l medèmo canałe tełevizivo.
Scheda su Knight Rider de l'Internet Movie Database
Controło de autorità | VIAF (EN) 181749580 · LCCN (EN) no2010123888 · WorldCat Identities (EN) no2010-123888 |
---|
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.