Ezortasion apostòłega

L' Ezortasion apostòłega ła ze un tipo de comunicasion pastorałe del Papa de ła Ceza catòłega. El fin de l'ezortasion el ze cheło de métar corajo a ła comunità catòłega de móvarse verso na particułare atività ma no ła definise ła dotrina catòłega. L'ezortasion ła ze uno dei tipi de documenti ufisałi che ła Ceza catòłega ła ga inte łe so dispozision.^[1] La prima ezortasion publegada soto de sta denomenasion ła ze datada 4 de agosto del 1908 e ła ze stada scrivesta par man de Pio X, łe ezortasion antesedenti, łe zera stae publegae cofà ensìcleghe, létare e brevi apostòłeghi de tipo pastorałe.

In órdene de inportansa, l'ezortasion ła se còłoca par de soto de:

• costitusion apostòłega
• ensìclega

ma par de sora de:

• létara apostòłega
• létara sénplega
• mesajo.

Ezortasion apostòłega post-sinodałe

La ezortasion apostòłega post-sinodałe, o ezortasion apostòłega postsinodałe^[2], ła ze un documento che el Papa el ełàbora partindo da łe Propozision che el Sìnodo dei véscovi el produze cofà rezultà dei so lavori. Łe ghe ze anca łe ezortasion apostòłeghe che no łe ze derivae dai lavori de un sìnodo.

Nùmaro de ezortasion par Papa

Papa	ani pontifegà	Durada	Nùmaro de ezortasion	Ezortasion postsinodałi del totałe
Pio X	1903-1914	11 ani	1
Benedeto XV	1914-1922	8 ani	3
Pio XI	1922-1939	17 ani	—
Pio XII	1939-1958	19 ani	7
Joani XXIII	1959-1963	5 ani	3
Poło VI	1963-1978	15 ani	14	1[3]
Joani Poło I	1978	0 (33 dì)	—	—
Joani Poło II	1978-2005	26 ani	15	13
Benedeto XVI	2005-2013	7 ani	4	4
Francesco	2013 - inte l'incargo	6 ani	4	4