From Wikipedia, the free encyclopedia
Emilio Salgàri (Verona, 21 de agosto 1862 - Torin, 25 de apriłe 1911) l'è stà un scritor de romanzi de aventura tanto popołari, e l'è ritegnù uno dei pionieri de ła fantasiensa in Italia.
 | |
| Nome orizenałe | (it) Emilio Carlo Giuseppe Maria Salgàri |
|---|---|
| Biografia | |
| Nasimènto | (it) Emilio Carlo Giuseppe Maria Salgari 21 de agosto del 1862 Verona (Regno Lonbardo-Vèneto) |
| Mòrte | 25 de apriłe del 1911 (48 ani) Turìn (Itàlia) |
| Càuxa de morte | Suicìdio (Accoltellamento (it)  ) |
| Liogo de sepełimento | cimitero monumentale di Verona (it) |
| Dati personałi | |
| Formasion | Istituto Tecnico Commerciale Paolo Sarpi (it) |
| Atività | |
| Canpo de laoro | |
| Laóro | |
| Atività | 1883 – 1911 |
| Influense | |
| Pseudònemo | Guido Altieri S. Romero Ammiragliador A. Permini Guido Landucci Enrico Bertolini Emilius |
| Òpara | |
Òpare in rezalto
| |
  
   | |
(VEC)
«A voi che vi siete arricchiti co la mia pelle, mantenendo me e la mia famiglia in una continua semi-miseria od anche di più, chiedo solo che par compenso dei guadagni che vi ho dati pensiate ai miei funerali. Vi saluto spezzando la penna.»— Emilio Salgàri
Salgàri l'è nato in tel 1862 a Verona inte na fameja de picołi comercianti; só mare l'era venesiana e so 'apà veronexe. Dal 1878 in vanti el gà studià al Regio Istituto Tecnico e Nautico "P. Sarpi" de Venesia, ma no l'è mai rivà a deventar Capitan de Marina, come ghe sarìa piaxù tanto (pensè che l'è ndà vanti par tuta ła vita a farse ciamar Capitan, anca se nol gh'era). Del resto el gà anca navigà na s-cianta su e zo longo łe coste de l'Adriàtego (par tri mexi a bordo de ła nave Italia Una) e sta qua l'è restà l'unica só esperiensa significativa del mar; no l'è mai riusìo invese a viajar in tei paexi distanti in dove ch'el gà anbientà un saco dei só libri.
El só primo laoro publicà l'è stà un raconto in cuatro puntate, I selvaggi della Papuasia, scrito a vint’ani e publicà inte un setimanal de Milàn. Dal 1883 in vanti el gà vù un bel sucèso col romanzo La tigre della Malesia, stanpà a puntate in tel xornal veronexe La nuova Arena, parò de schei el ghe n'à visti pochi isteso. Inte el 1884 el gà publicà a puntate el só primo romanzo, La favorita del Mahdi, ch'el gavea scrito inte el 1877.
Inte el 1889 ghe se gà suicidà so pare. Inte el 1892 Salgari el gà spoxà Ida Peruzzi, atora de teatro, e el sà trasferìo a Torin.
Dal 1892 al 1898, soto contrato col'editor Speirani, l'è stà bon de publicar na trentina de laori. Dal 1898 invese el gà laorà col'editor Antonio Donath, prima a Genova, dopo da nóvo a Torin. Inte el 1906 l'è pasà al'editor Bemporad. Un saco dei só romanzi i gavea un grande sucèso, ma sicome lu l'era un po' masa oco, jera soratuto i editori a metarse i schei in scarsela, mentre Salgari el gà visù in dificoltà econòmeghe fin a ła fin de ła só vita. In particołar a partir dal 1903, quando che só mujer la gà scominsià a dar de mato, gà scominsià a tantiplicarse senpre piasè i debiti che ghe tocava far par poderghe pagar łe cure.
Inte el 1910 le condision de só mujer jè pegiorà de bruto, tanto che inte el 1911 ghè tocà métarla in manicomio. Chel stéso ano Salgari, ormai desperà, el sà copà, lasàndoghe na letera, che faxea pianzar el cor, a so fioi, e n'antra, sarcastica, ai editori che savéa profità de lu. Inte el 1910 el gavea zà proà a coparse, ma l'era stà salvà. Inte el 1931 Romero, uno dei só cuatro fioi, el se coparà anca lu.
Salgari el deve ła só popołarità a na produsion de romanzi da far paura, co otanta opere (piasè de doxento contando anca i raconti) distinte in vari cicli de aventure, co l'invension de personagi che ze deventà famoxìsimi, come Sandokan, Yanez De Gomera e el Corsaro Nero.
La popołarità dei eroi salgariani la se pol vedar anca da ła grande difuxion de falsi o apocrifi: piesè de un çentinaro, che editori co póchi scrupołi i ghe atribuèa; calchedun de sti laori l'è stà meso in giro parfin dai fioi del scritor.
Dai libri de Salgari ze stà ricavà un saco de film, zà a partir dai ani Vinti del Novesento. Quei piesè conosù jè sicuramente i film de Sandokan interpretè da l'ator indian Kabir Bedi in tei ani Setanta, co Philippe Leroy ch'el faxea ła parte de l'amico de Sandokan, Yanez de Gomera.
Anca se ła pronuncia "Sàlgari", co l'açento suła prima silaba, l'è sicuramente difuxa, cueła giusta l'è col'açento suła seconda. Infati el cognome el ven dal nome de na pianta, el salgàr, ch'el sarìa na specie de sałice che crese in Veneto.
Cronołogia dei laori, separè par cicli narativi.
Wikimedia Commons el detien imàjini o altri file so Emilio Salgari
el detien schemi gràfeghi so | Controło de autorità | VIAF (EN) 29540305 · ISNI (EN) 0000 0000 8108 076X · El vałore CFIV008612 de SBN no el xe mija bon. · Europeana agent/base/66644 · LCCN (EN) n79040178 · GND (DE) 119039370 · BNF (FR) cb119234630 (data) · BNE (ES) XX951715 (data) · NLA (EN) 35689685 · BAV ADV10119481 · NDL (EN, JA) 00709569 · WorldCat Identities (EN) n79-040178 |
|---|
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
