Wikibooks
From Wikipedia, the free encyclopedia
Wikibooks, inisialmènte ciamà Wikimedia Free Textbook Project e Wikimedia-Textbooks, el xe un projeto multiłèngue pà ła racolta de e-book (overo libri eletronisi, o sia che nò i xe fati de carta) gratuiti e dal contenùo libaro, rivolti in particołare a i studenti, come libri de testo, manuałi e libri comentai, de publico dominio. Eso mira a jutare l'(auto)istrusion sia de studenti che de insegnanti de tuti i livełi.
URL | http://www.wikibooks.org/ |
---|---|
Sorte | Manuałi e libri de testo libari |
Comerso ? | No |
Iscrision | Opsionałe |
Exlogan | the open-content textbooks collection that anyone can edit |
Licensa | Creative Commons Attribuzione-Condividi allo stesso modo 3.0 Unported (it) |
Motore software | MediaWiki |
Propietàrio | Wikimedia Foundation |
Creator | Jimmy Wales e ła comunidà de Wikimedia |
Entrada in servìsio | 19 de lujo del 2003 |
Stato | Stati Unii de l'Amèrica |
Clasìfega Alexa | 2 306 (7 de setenbre del 2018) 1 880 (28 de novenbre del 2017) 2 268 (9 de setenbre del 2017) |
|
Partio el 10 de lujo 2003, al novenbre 2010 contava pì de 4800 modułi par sirca 300 libri inte ła version in łengua itałiana. El pì grando Wikibooks xe in łengua inglexe co 35.500 modułi inte ło steso periodo.
El projeto xe stà ativà in seguito a na domanda del wikipedian Karl Wick par 'vere un logo andove scominsiar a costruire dei libri de testo open content, a exenpio pà ła chimega organica o pà ła fìxega, al fin de ridure i costi e altre limitasion inerenti ai materiałi de aprendimento.
Alcuni dei primi libri i xera conpletamènte orixinałi, altri testi copiai da altre fonti libare scovae in rete. I contenùi del sito i vien rilasiài in CC-BY-SA e GFDL. I contributi i xe senpre propietà dei loro creatori, mentre ła licensa copyleft garantise che i contenùi i rimarà senpre liberamènte distribuìbiłi e riprodusibiłi.
Dopo che so alcuni Wikibooks (itałian, inglexe, todésco, spagnoło, fransexe) xera stà ativà el portałe Wikiversity, un anbiente de aprendimento 'verto e na comunidà de riserca, che el fornise corsi online, el projeto se ga sucesivamènte stacà e Wikiversità in łèngua itałian xe ativa ora sul sito de Wikiversity.