From Wikipedia, the free encyclopedia
Vélez de la Gomera (spagn. Peñon de Vélez de la Gomera) el xe na esclave spagnoła tacà ła costa nord del Maroco. Na volta l'era na ìxoła ma dopo un forte teremoto inte el 1930 ła spiaja ła se ga slongà e ła ło ga trasformà inte na penìxoła tacà a ła costa marochina.
Vélez de la Gomera el xe a 126 km òvest de Melilla e a 117 km sudest de Ceuta; el ga groso modo na àrea de 19 000 m² e na altésa màsima de 87 m sul lieveło del mar. El vien doparà come postasion miłitar e ghe vive soło che soldài spagnołi.
El teritorio el fa parte de ła Spagna dal 1508, seben che el gabia pasà varie conquiste e riconquiste. Sicome che no'l faxea mìa parte del Regno del Maroco (che na volta xera sóto ła Spagna), quando che el Maroco el se ga trasformà in Stato independente Vélez de la Gomera l'è restà a ła Spagna insieme co Ceuta , Melilla e altri teritori e ixołoti picenini. El xe na plaza de soberanía (sarìa a dir piaza de sovranità) spagnoła e come łe altre plazas el Maroco el ło domanda indrio.
Ła spiaja intrà el Maroco e el Peñon de Vélez de la Gomera ła xe uno dei tochi de confin pi curti del móndo: ła xe łarga soło che 85 metri.
Controło de autorità | VIAF (EN) 235687949 · LCCN (EN) sh87003304 · GND (DE) 4724546-3 · WorldCat Identities (EN) 235687949 |
---|
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.