La tełefonia mòbiłe ła xe na sorte de entrada a na rete tełefònega, in partegolare destinada a l'utente finałe. L'entrada inte ła rete tełefònega in pì ła xe de tipo privà (ła telefonia mòbile ła se contrapone de conseguensa a ła tełefonia pùblega), o sia de propietà de l'utente finałe o a eło riservà dal propietàrio de l'entrada o da chi che ło ga in xestion, e reałixà par mexo de onde ràdio.
La tełefonia mòbiłe, doparando onde ràdio soto forma de na radiocomunicasion, ła xe bona de servir intiere àree xiogràfeghe in manjiera contìnua co el vantajo de ła mobiłità de chi che ła dòpara, contraponéndose de conseguensa a ła tełefonia fisa che ła xe soło bona de servir ponti xiogràfeghi fisi, che i połe èsar limitadamente superai, in parte, da ła doparasion de tełèfoni cordless.
La tełefonia mòbiłe ła se sudivide in do tipołoxie:
La tełefonia sełułare ła xe ła entrada a na rete tełefònega traerso risetrasmetitori terestri (o sia poxisionai inte ła superfise terestre) de onde ràdio. Ła tełefonia satełitare ła xe ła entrada a na rete tełefònega traerso risetrasmetitori satełitari (o sia poxisionai so satèłiti par tełecomunicasion) de onde ràdio.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.