From Wikipedia, the free encyclopedia
El Tamise (in inglexe Thames, dal łatin Tamesis) el xe un fiume de l'Inghiltera meridional che el traversa Łondra e finisse inte el Mar del Nord: ancorché no'l sie el mazor par longhezza e portada, el xe da considerar de gran longa el primo par importansa storega e economega. El so basin idrografego el xe abità da zerca 15 milioni de persone.
(en) Thames ![]() | |||||
![]() ![]() | |||||
Sorte | Fiume ![]() | ||||
---|---|---|---|---|---|
Scumìsio | |||||
Continente | Eoropa ![]() | ||||
Nasion rivaresca | Rènjo Unìo ![]() | ||||
Cuota inisiałe | 110 m ![]() | ||||
Rejon aministrativa | Gloucestershire (Inghiltera) (en) ![]() ![]() | ||||
Pozision | Kemble (it) ![]() ![]() | ||||
Finałe | |||||
Pozision | Mar del Nord ![]() | ||||
| |||||
Formà da | |||||
Afluente | 42
| ||||
Dati e sifre | |||||
Mezura | 334 (![]() | ||||
Superfise conca idrogràfega | 15 300 km² ![]() | ||||
Mezure e indegadori | |||||
Portada | 65,8 m³/s ![]() | ||||
Errore script: nessun modulo "Interface Wikidata".
Errore script: nessun modulo "Interface Wikidata". Errore script: nessun modulo "Interface Wikidata".
|
La longhezza del fiume la xe ozeto de chiacole parché, se xe bastanza chiaro dove che el scuminzia (ma anca inte sto caso a ghe xe difarenti interpretazion), a no a xe assolutamente seguro fin a dove che el vaga considerà el corso del fiume in quanto el va drento, co un profondo estuario, inte el Mar del Nord e elora se ga da considerar na longhezza convenzional: siché se destinve na prima longhezza de 272 km infra Thames Head (la sortiva convenzional) e el London Bridge (scuminzio del Porto de Londra); na seconda longhezza de 323 km fin al banco de Nore (dove, in corespondenza del faro, finisse el gran Porto de Londra che el ga un desvelupo de 88 km) indove che l'estuario el xe lrgo 16 km; na terza longhezza de 365 km a la fose de la Medway, vicin Sheerness, che, par tanto, secondo alguni Autori el sarìa da considerar un fiume con un proprio sboco al mar, secondo altri, el sarìa l'ultimo afluente del Tamise.
Contrariamente a quelo ca se pol credar le so portade mese le xe modeste (ancorché pitosto regolare, mancando grande seche e grande piene) e no le supera, in zenare, el centener de metri cubi al secondo a la foce, ma zò che lo fa importante xe la larghezza de l'estuario e el fato che la marea la va su ben oltra el centro de Londra, fasendolo navigàbiłe inte ogni stazon: a Teddington, inte l'area metropolitana ocidental londenese (a 6 m s.l.m., indove che finisse el corso fluvial vero e propio parché pì su non se risente pì la marea), infati la portada minema de setembre la xe de 28 m³/s, mentre quela massima de zenaro la xe de 129 m³/s, ma al London Bridge, el fiume, co l'alta marea, el xe fondo 9 m e el xe łargo 240 m, e questo a lo fa comodamente navigàbiłe da grosi batei.
Łe sorgenti łe se cata visin al viłajo de Kemble intel Gloucestershire inte la cadena colinera de le Cotswold Hills, dove na serie de rivi (convensionalmente sete - The Seven Wells -) i sgorga da tereni permeabii formando el Churu, considerado come ramo sortivo; ma altri i considera la vera sorgente a Thames Head (Testa del Tamiji), 5 km a est de Cirincester. I principai fluenti i xe Windrush, Evenlode, Cherwell, Thame, Kennet, Colne, Wey, Mole, tuti pitosto regolari come regime idraulego.
Controło de autorità | VIAF (EN) 237292804 · LCCN (EN) sh85134480 · GND (DE) 4119580-2 · BNE (ES) XX5046795 (data) · NDL (EN, JA) 00628782 · WorldCat Identities (EN) 237292804 |
---|
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.