![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/8e/Mercator_Congo_map.jpg/640px-Mercator_Congo_map.jpg&w=640&q=50)
Storia de la Republica Democratica del Congo
From Wikipedia, the free encyclopedia
I primi abitanti del teritorio ancò conosudo come la Republica Democràtega del Congo i xera i pigmei. Co l’arivo de grupi bantu in tel secolo VIII de la nostra era, i pigmei i se sa ritirà inte le foreste de l’Ituri o i ga emigrà a sud.
![Thumb image](http://upload.wikimedia.org/wikipedia/commons/b/b4/Cg-map.png)
I bantu che i xe rivà a la boca del fiume Congo i ga fondà de i regni ligà a i vilagi pi grandi. El pi inportante de sti regni el xe stà el Mbanza Congo, na sità stato che ora la se cata in tel nord de l’Angola.
![Thumb image](http://upload.wikimedia.org/wikipedia/commons/thumb/8/8e/Mercator_Congo_map.jpg/640px-Mercator_Congo_map.jpg)
El Mbanza Congo el xe cresù (XV secolo) fin a cuerzar n’area de 300 000 km². Sto regno el xera divixo in sie province: Mbemba, Soyo, Mbamba, Mbata, Nsundi e Mpangu. I regni de Loango e Mbundu, al nord e al sud rispetivamente, i xera regni vasali. Le notisie so sti regni le xe baxà so la tradision orale. El regno del Kongo el xe durà fin al XVIII secolo. A l’interno se catava el regno de i Aziku. De le altre zone del teritorio che ancà forma el Congo no se sa niente de preciso, anca se varie etnie bantu le abitava inte le foreste del bazin del Congo fin dal XI secolo.