![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/ea/Conscription_map_of_the_world.svg/langvec-640px-Conscription_map_of_the_world.svg.png&w=640&q=50)
Servìsio miłitare
From Wikipedia, the free encyclopedia
El servìsio miłitare, servìsio de leva, leva miłitare o leva obligatòria i ze dei tèrmani che i denòmena el servìsio, obligatòrio o vołontàrio, che un sitadin de un stato el fa par un perìodo de tenpo prestabiłio inte łe forse armae del paeze inte el cuało el rezidénsia, mediante de l'istitusion de ła coscrision.
![](http://upload.wikimedia.org/wikipedia/commons/thumb/e/ea/Conscription_map_of_the_world.svg/640px-Conscription_map_of_the_world.svg.png)
In tanti stati l'obligatorietà del servìsio ła casca solché sora dei sitadini de seso mascułin (co racuante ecesion, par ezénpio, Israełe e Corea del Nord, aonde che sto òbligo el ze stabiłio anca par łe done). In via zenerałe, el połe vegner prestà in vàrie forme, anca co inrołamento vołontàrio e in corpi speciałi.
El tèrmano coscrision el denòmena zeneregamente ła iscrision, prevedesta par leje, dei sitadini de un stato in liste pensae aposta, col fin de consentir ła ciamada de sti sitadini al servìsio miłitare obligatòrio inte łe forse armae. Co ła ze prevedesta par leje ła vien ciamada coscrision obligatòria o coscrision obligasionałe e el indivìduo iscrivesto in ste liste el ze denomenà coscrivesto.