![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/3a/De_Proprietatibus_Rerum_%2528Zodiac%2529.jpg/640px-De_Proprietatibus_Rerum_%2528Zodiac%2529.jpg&w=640&q=50)
Segni zodiacałi
From Wikipedia, the free encyclopedia
El segno zodiacałe o astrołòzego el ze, sia par l'astrołozia osidentałe che par cueła indiana (in sanscrito: राशि, rāśi), una de łe dódaze sudivizion in parte conpagne del zodìaco.[1]
![Thumb image](http://upload.wikimedia.org/wikipedia/commons/thumb/3/3a/De_Proprietatibus_Rerum_%28Zodiac%29.jpg/320px-De_Proprietatibus_Rerum_%28Zodiac%29.jpg)
Par tradision, ogni segno zodiacałe el tołe el nome da na costełasion, sevindo el sevente órdene: Ariete, Toro, Zemełi, Cancro, Leon, Vèrzene, Bałansa, Scorpion, Sazitàrio, Capricorno, Acuàrio, Pesi.
![Thumb image](http://upload.wikimedia.org/wikipedia/commons/thumb/6/69/Aries2.jpg/320px-Aries2.jpg)
![Thumb image](http://upload.wikimedia.org/wikipedia/commons/thumb/e/e7/Taurus2.jpg/320px-Taurus2.jpg)
![Thumb image](http://upload.wikimedia.org/wikipedia/commons/thumb/b/be/Gemini2.jpg/320px-Gemini2.jpg)
![Thumb image](http://upload.wikimedia.org/wikipedia/commons/thumb/3/31/Cancer2.jpg/320px-Cancer2.jpg)
![Thumb image](http://upload.wikimedia.org/wikipedia/commons/thumb/2/2f/Leo2.jpg/320px-Leo2.jpg)
![Thumb image](http://upload.wikimedia.org/wikipedia/commons/thumb/f/f8/Virgo2.jpg/320px-Virgo2.jpg)
![Thumb image](http://upload.wikimedia.org/wikipedia/commons/thumb/4/46/Libra2.jpg/320px-Libra2.jpg)
![Thumb image](http://upload.wikimedia.org/wikipedia/commons/thumb/5/57/Scorpio2.jpg/320px-Scorpio2.jpg)
![Thumb image](http://upload.wikimedia.org/wikipedia/commons/thumb/6/6a/Sagittarius2.jpg/320px-Sagittarius2.jpg)
![Thumb image](http://upload.wikimedia.org/wikipedia/commons/thumb/6/64/Capricorn2.jpg/320px-Capricorn2.jpg)
![Thumb image](http://upload.wikimedia.org/wikipedia/commons/thumb/c/c8/Aquarius2.jpg/320px-Aquarius2.jpg)
![Thumb image](http://upload.wikimedia.org/wikipedia/commons/thumb/b/bf/Pisces2.jpg/320px-Pisces2.jpg)
In Osidente se tende a far destinsion in du tipi de zodìaco, una che divide l'eclìtega in 12 segni de conpagna longhesa, o sia 30 gradi par un totałe de 360°, un altro bazà invese su łe costełasion[2]. L'asociasion intrà łe costełasion e ła pozision del Sołe in confronto a łe stełe fise ła cànbia inte el tenpo, par colpa de ła precesion dei ecuinosi: de consevensa, el zodìaco dei segni e cueło de łe costełasion oncó i rezulta sfazai intrà lori. L'astrołozia osidentałe ła se baza escluzivamente sul zodìaco dei segni, cusita cofà che i zera stai ideai miłeni fa.[3]
Inte el costumar popołan se dòpara el dire "nàsar soto del segno de..." seguio dal nome de un segno zodiacałe[4]. El signifegà el canbia in baze a ła tradision astrołòzega: inte el dòparo osidentałe se intende el segno zodiacałe inte el cuało se cata el Sołe inte el momento de ła nasimento de ła persona, mentre inte el dòparo indian se intende el segno zodiacałe sul cuało se cata ła Luna.