Samsung Galaxy A (seriałe)
From Wikipedia, the free encyclopedia
El seriałe Samsung Galaxy A (Alpha) el xe na linea de smartphone e tablet co sistema operadivo Android chel ga scumisià esendo de sola mèdia gama prodota da Samsung Electronics. El seriale Galaxy A el jera simile al seriale Galaxy S co se parla de cualità de costrusion dei dispoxidivi, ma tanto pì basa co se parla de prestasion e determinai conponenti hardware. A partir dal 2019 la serie la xe stata totalmente ristruturada e el numaro de modeli a dispoxision l'è cresuo tanto, diventando na serie co modeli che va da la pì basa gama a chela pì alta, poco manco dei top de gama. El primo model de la serie, el "smartphone pilota", che ga dato vita a sta serie, xe el Samsung Galaxy Alpha, che l'è sta butà sol marcà el 13 de agosto del 2014.
![Thumb image](http://upload.wikimedia.org/wikipedia/commons/thumb/4/42/Samsung_Galaxy_A_Logo.png/640px-Samsung_Galaxy_A_Logo.png)
Dopo che Samsung ga anunçà la nova serie del 2017, Samsung el ga dito chel vendarà fin a 20 milioni de dispoxidivi de la serie Galaxy A, e el target dei cronpadori sarà l'Eoropa, Africa, Asia, Medio Oriente e America Latina.[1]
Dal 2017, la major parte dei modeli de Galaxy A (anca i tablet) i sarà disponìbiłi inte la majorparte dei paexi del mondo, a parte che i Stati Unii.