Repùblega Presidensiałe
From Wikipedia, the free encyclopedia
From Wikipedia, the free encyclopedia
Ła republica presidensiałe ła xe na forma de goerno republicana, che ła apartien a łe forme de democrasia raprexentativa, andove che el poder executivo, overosipia el goerno, el vien conduxesto e tegnuo sù dal Presidente de ła Repùblica che el xe sia el cao de Stato sia el cao de goerno. El presidente el nomena i ministri e el połe anca sostituirli inte el caxo de varie problemadeghe. Domente, el Parlaménto el ga soło el poter legislativo.
Xeneralmente el presidente el xe democradegamente ełexesto diretamente dai sitadini e forma el so goerno; visto che l'è el cao de Stato no ghe serve el voto de fidusa parlamentare anca parché, ghendo xà otegnuo el voto de ła maxoransa dei sitadini, nol ghe serve ła fidusa dei so raprexentanti. Ła lejitimasion traverso el voto, ghe dà al presidente na ciara superiorità rispeto ai so ministri, no sempre rimarcada inte i sistemi parlamentari.
Ła forma de goerno presidensiałe (USA) ła xe cheła andove el Cao de Stato el xe ełeto diretamente dal popoło, nol połe esare sfidusà e el so mandà e infine presiede e dirixe Goerni da lù nominai.
Sta forma de goerno xe tipica dei Stati Unii: el Presidente in realtà xe eleto dai Grandi Eletori (in numero igual ai deputai e senatori de ogni stato membro) che dopo i elexarà el Presidente e el Visepresidente; no existe njianca on organo ciamà Goerno, ma sołamente on Gabineto componesto dai Secretari de Stato che nol ga algun raporto col Congreso (Parlamento), formà dal Senato (2 raprexentanti par ogni Stato) e da ła Camara dei raprexentanti (so baxe nasionałe proporsionałe a ła popołasion), che njien rinovà ogni dù ani e el ga el podere lexislativo.
Presidente e Congreso i l'è indipendenti l'un da l'altro, anca se el primo ga el podere de veto sospensivo de łe lexi aprovae, che el połe esare sorpasà dal secondo co n'altra dełiberasion a maxoransa dei 2/3. Se determina on duałismo paritario tra el Presidente e el Congreso.
Controło de autorità | LCCN (EN) sh85106459 · GND (DE) 4175552-2 · BNF (FR) cb12011576h (data) |
---|
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.