From Wikipedia, the free encyclopedia
Na repùblega Federałe ła xe na federasion de stati co na forma republegana de goerno. El sentio literałe de ła paroła repùblega co ła xe doparada cofà referensa a na forma de goerno vołe dir: "on paexe che el xe goernà par raprexentanti ełexesti e par on lìder ełexesto (cofà on prexidente) invese de on re o rexina".
Inte na repùblega federałe ghe xe na divixion dei poderi intrà el goerno federałe e i governi de łe sudivixon individuałi. Mentre ogni repùblega federałe jestise sta divixion de poderi difarentemente, cuestion simiłari cofà defexa, seguresa e pulìteghe monedàrie łe xe xeneralmente xestionae a liveło federałe, e cuestion cofà manutension d'infrastrutura e educasion łe xe xeneralmente xestie a liveło rejonałe o locałe. Tutavia ghe xe difarenti ponti de vista so cheło che ła xe na conpetensa federałe. Na repùblega federałe ła xe ełora mèjo definìa in contrasto a na repùblega unitària, andove el goerno sentrałe el ga ła sovranità piena so tuti i aspeti de ła vita pułìtega. Sta infrastutura pi desentralixà ła juta a spiegar ła tendensa dei paéxi pi popołoxi de operar cofà repúbleghe federałi.