From Wikipedia, the free encyclopedia
L'ocio el xe un òrgano de sénso chel fa parte del paramento vixivo. El manda signałi, traverso el nervo òtico al serveło. Inte el ómo l'ocio el pol ciapar tuti i cołori col'ónda de frequénsa infrà 400 e 700 nm, dónca miga i infrarósi e i ultraviołéti. Altri i ga oci che i ciapa ónde de frequénsa difarénte.
I inseti e i crostàcei i ga oci conplesi, formai de altri océti sénplixi. I ragi de łuxe i crea imàxene sìngołe che łe vien mése conpagne par sorapoxision, come un moxàico: sto sistema nol tol bén tuti i detagi, mal ciapa anca i moviménti più picenini.
Ghe xe animałi, come ła suéta, che i xe più bóni a véder de note parché i ga un magior nùmero de bastonsełi (sèłułe de ła rètina che łe łavóra co póca łuxe, conplementari ai coni chei pol destìnguer fórma e cołor).
El ocio del omo, dito "bulbo ocułar" el xe conpleso e bastansa bón. El se cata inte el cavità ocułare inte el cranio e se pol divìder in una parte de vanti e n'altra de indrio. Da drio ghe parte el nervo òtico, chel se orìxena inte el bulbo co diramasion. Da vanti ghe xe al séntro ła pupiła, buxo nero chel tol i ragi, ł'ìride, menbrana muscołare che ła strénsa e slarga ła pupiła drio de quanta łuxe ghe xe e che ła xe cołorada. Ste qua łe xe protete da ła còrnea. A diféxa del ocio ghe xe anca flùidi de łàgreme che ło neta da bateri, pólvere, ecc...
Wikimedia Commons el detien imàjini o altri file so Ocio
el detien schemi gràfeghi so | Controło de autorità | LCCN (EN) sh85046642 · GND (DE) 4122841-8 · BNF (FR) cb11938400h (data) · BNE (ES) XX525876 (data) · NDL (EN, JA) 00567549 |
|---|
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
