Mùzega
forma de arte che ła dopara soni e siłensi / From Wikipedia, the free encyclopedia
La muxega ( o muŝika a Bełun e altre xone del veneto) (dal sostantivo greco μουσική) el xe el prodoto de l'arte de ideare e produre, doparando strumenti aposta o de ła voxe, un suseguirse organixà de soni che i ga el rixultà de esar piaxevołi par łe recie. Pì tecnicamente ła muxega ła consiste inte ła organixasion dei soni, dei rumori e dei siłensi inte el corso del tenpo e inte el spasio.
![Thumb image](http://upload.wikimedia.org/wikipedia/commons/thumb/c/c0/Stardust_1.png/640px-Stardust_1.png)
La muxega ła xe arte parché l'è un insieme de norme prateghe juste par rivare a determinai efeti sonori, che i riese a esprimere ła parte interiore de ła persona che produxe ła muxega e de chi che ło scolta; se parla de siensa parché ła xe fata da tenpi, frecuense e altro.
La produsion dei soni ła se fa col canto o doparando strumenti muxegałi che, traerso i prinçipi de l'acustega i provoca ła perçesion uditiva e l'esperiensa emotiva che l'artista vołea dare.
El signifegà del termine muxega no l'è de conseguensa uno soło e l'è anca inte el dì de oncò ocaxion de barufe intrà i studioxi par via dei diferenti signifegai che vegnea dati a ła paroła inte i vari periodi storeghi. L'etimoloxia del termine muxega o muxika deriva da l'ajetivo greco μουσικός/musikòs, rifarendose a łe Muxe, figure de ła mitołoxìa greca e romana, rifarendose a so volta in manjiera sotointexa a tecnega che anca sto cua deriva dal greco τέχνη/techne. Dito sto ché, podemo dire che el termine no'l vegnea doparà par dirghe a na determinada arte, sì bèn ła vegnéa doparada par tute łe arti de łe Muxe, e ła se riferia a calcosa de "perfeto".