From Wikipedia, the free encyclopedia
El doraro, lavranèr o vialoro el xe na pianta (nome sientifego Laurus nobilis) de ła fameja de łe Lauraceae. El so nome todesco xe Loorbeer, keło inglexe laurel, el sloveno lōvor, el italian alloro. El xe un senpreverde, alto fin a diexe meri. A scorsa ła xe verde-mora.
Łe foje, ovałi, łe xe verde scuro, coła parte de sora lucida e keła soto opaca. El doraro a xe na pianta dioica, che vol dir che ła ga fiori maskiłi e feminiłi su albari difarenti . Sti fiori, xałi, i vien fora in primavera. I fruti i xe mori e jusidi.
El doraro a xe na pianta spontanea in Spagna, Grecia e Centro-Sud Italia e su tute łe coste del Mediteraneo e de łe Ixołe Canarie. El se ga anbientà anca in Sud Irlanda, in Renania e inte l'ìzoła de Helgoland, sul Mar del Nord .
El doraro el xera l'albaro sagro al dio Apòło e sinboło de sapiensa e gloria. Na corona de foje de doraro vegneva mesa suła testa dei atleti che vinseva łe olinpiadi e suła testa dei poeti pi bravi. Anca deso, ai tosi che finise l'universidà (laureà) se ghe mete al coło na corona de foje de doraro.
Łe foje de doraro łe vien doparà par darghe aròma, par via dei oji esensiałi che el ga rento łe foje e i fruti, ai magnari, al pese e a ła carne in spece.
Drento łe foje, ma anca inte i fruti, ghe xe sti oji esensiałi (terpeni): terpineoło, eucaliptoło, pinene, cineoło, geranioło, eugenoło, fełandrene.
Controło de autorità | LCCN (EN) sh88022873 · GND (DE) 4168158-7 · BNF (FR) cb12326089d (data) |
---|
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.