From Wikipedia, the free encyclopedia
La Ladinia la xe la rejon dolomìtega indoe che la xe parlada la lengua ladina. No i ghe xe mai stai reconossimenti ofiçiali o enti aministradivi corispondenti a la Ladinia.
(lld) Ladinia  | |||||
| |||||
| Sorte | Ethnic territory (en)  | ||||
|---|---|---|---|---|---|
| Epònemo | ladini (it) | ||||
| Liogo | |||||
| Continente | Eoropa | ||||
| Rejon aministrativa | Alto Àdeze (Itàlia) | ||||
| |||||
| Dati e sifre | |||||
| Àrea | 1 191 km² | ||||
|
| |||||
La cavedal la xe considerada Cortina d'Anpeço (Anpezo)
El pavion ladin el xe nassesto el 5 majo 1920 inte l'ocasion de na protesta de i rapresentanti locali contro el Tratà de Saint-Germain che no 'l riconossea mia a 'l pòpolo ladin el dret a l'autodeterminaçion. El pavion presentà el jera fato de tre bande orisontali çeleste-bianco-verdo che le sinbolejava la natura de le Dolomiti: el verdo de i prai e de i boschi, el bianco de la neve che coerxe le Dolomiti e el çeleste de 'l çiel. Inte 'l periodo fassista el jera stà deciarà ilegal da 'l Goerno Italian.
El teritorio de la Ladinia el se stende pa çirca 1.200 km2 e el xe ocupà patoco da le Dolomiti. Inte 'l çentro el se stende el Massiço de 'l Sela, ndoe che 'l se dirama le çincue vali ladine: Val de Fassa (Fascia) in Trentin, Val Gardena (Gherdëina) e Val Badìa (Gran Ega) in Sud Tirol e Livinalongo (Fodom) e Val d'Anpeço in Vèneto.
Le prinçipali vete ladine le xe la Marmolada (Marmolèda), l'Antelao e la Tofana de Mezo.
I corsi d'acua ladini i xe tuti de caràtare torentiçio. L'Avissio, che 'l nasse da 'l jaçer de la Marmolada, l'é el piassè longo e cuel co la major portada d'acua. Altri fiumi inportanti i xe el Cordéol e el Boite che el moja Cortina.
Aministrativamente la Ladinia la xe spartìa tra do rejon, tre provinçie e vari comuni zeneralmente cei.
| Comuni | In ladin | Provinça | Superfiçe | Popolaçion (1) |
|---|---|---|---|---|
| Cortina d'Anpeço | Anpezo | Belun | 254,51 km² | 6.150 |
| Ortisei | Urtijëi | Bolxan | 24 km² | 4.569 |
| Badìa | Badia | Bolxan | 82 km² | 3.237 |
| Marebe | Mareo | Bolxan | 161 km² | 2.684 |
| Moena | Moena | Trento | 82 km² | 2.628 |
| Selva de Val Gardena | Sëlva | Bolxan | 53 km² | 2.589 |
| Poça de Fassa | Poza | Trento | 73 km² | 1.983 |
| Canaçei | Cianacei | Trento | 67 km² | 1.844 |
| Santa Cristina Valgardena | S. Crestina-Gherdëina | Bolxan | 31 km² | 1.840 |
| San Martino in Badìa | San Martin de Tor | Bolxan | 76 km² | 1.727 |
| Livinalongo de 'l Col de Lana | Fodom | Belun | 99 km² | 1.436 |
| Corvara in Badìa | Corvara | Bolxan | 42 km² | 1.266 |
| La Vale | La Val | Bolxan | 39 km² | 1.251 |
| Vigo de Fassa | Vich | Trento | 26 km² | 1.142 |
| Canpitel de Fassa | Ciampedel | Trento | 25 km² | 732 |
| Soraga | Sorèga | Trento | 19 km² | 677 |
| Maçin | Mazin | Trento | 23 km² | 440 |
| Col Santa Luçìa | Col | Belun | 15 km² | 418 |
| TOTAL | - | - | 1.191 km² | 36.613 |
Wikimedia Commons el detien imàjini o altri file so Ladinia
el detien schemi gràfeghi so
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
