From Wikipedia, the free encyclopedia
Friends (rezo graficamente come F•R•I•E•N•D•S) ze na sitcom statunitense creà da David Crane e Marta Kauffman, trasmesa sol network tełevizivo mericano NBC dal 22 de setenbre 1994 al 6 de majo 2004; son state realizà in tuto dieze stazoni. Ła serie ruota atorno a un grupo de siè amizi a Manhattan, formà dałe ragase Rachel Green, Monica Geller e Phoebe Buffay, e dai ragasi Ross
Geller, Chandler Bing e Joey Tribbiani. Ła serie ze stà prodota dała Bright/Kauffman/Crane Productions in cołaborasion co ła Warner Bros. Television.
Kauffman e Crane i ga inisià a svilupar ła sitcom soto el titoło de Insomnia Cafe tra el novenbre e el dicenbre 1993. I ga prezentà l'idea a Bright, e insieme la ga proposta ała NBC. Dopo molti laori e canbiamenti soła senezadura, includendo anca un cambio del titoło in Friends Like Us, ła serie ze stà prezentà come Friends.
Friends ga senpre risevùo recensioni pozitive durante ła so mesa in onda, diventando una dełe piassè popołari serie tełevizive. Ła sitcom ga ricevùo na candidatura ałi Emmy Award, vinsendo el premio come mejor comedia par l'otava stazon, intè'l 2002. Lo show ocupa el 21º posto intè ła clasifega dełe mejori serie comedia de tuti i tenpi.